Заңда адамның фото және видео бейнесін пайдалануға қатысты талаптар нақтыланды

© Sputnik / Санат ИмангалиевЗдание курултая
Здание курултая - Sputnik Қазақстан, 1920, 18.11.2026
Жазылу
Адамның жеке және отбасылық өміріне қатысты ақпарат пен видеолар оның кәсіби қызметіне қатысы болмайды
АСТАНА, 18 қараша – Sputnik. Мәдениет және ақпарат министрлігі ашық дереккөздерден алынған адамдардың фото және видео бейнелерін пайдалануға қатысты заң талаптарын нақтылады, деп хабарлайды Sputnik Қазақстан.
Бүгін Құрылтай отырысында онлайн-платформалар мен бұқаралық ақпарат құралдарына қатысты әкімшілік құқық бұзушылық туралы заңнамаға өзгерістер енгізу мәселесі қаралды.
Мәдениет және ақпарат министрі Арман Қырықбаевтың айтуынша, заңда адамның бейнесін оның келісімінсіз пайдалануға болатын жағдайлар нақтыланады.
"Ашық дереккөздерден алынған адамның фото және видеосын оның өзі пайдалануға тыйым салмаған жағдайда ғана келісімінсіз қолдануға болады", – деді министр.
Сонымен қатар заң жобасында адамның жеке және отбасылық өміріне қатысты ақпарат пен видеолар оның кәсіби қызметіне қатысы жоқ екені нақты бекітіледі.
Айта кетері, депутаттар заң жобасын бірінші оқылымда мақұлдады.
Мессенджер WhatsApp - Sputnik Қазақстан, 1920, 18.11.2026
Онлайн-платформаларға қатысты әкімшілік жауапкершілік күшейтіледі
Жаңалықтар
0