Онлайн-платформаларға қатысты әкімшілік жауапкершілік күшейтіледі

© Sputnik / Наталья Селиверстова / Медиабанкке өтуМессенджер WhatsApp
Мессенджер WhatsApp - Sputnik Қазақстан, 1920, 18.11.2026
Жазылу
Кибербуллинг деп танылған ақпаратты 24 сағаттың ішінде жоймағандар әкімшілік жауапкершілікке тартылады
АСТАНА, 18 қараша – Sputnik. Құрылтайда онлайн платформалар туралы заңға енгізілетін өзгерістер таныстырылды, деп хабарлайды Sputnik Қазақстан.
Мәдениет және ақпарат министрі Арман Қырықбаевтың айтуынша, биыл он айдың ішінде онлайн платформаларда заңға қайшы 128 мыңнан астам материал анықталған. Соның 70 проценті ғана өшірілген.
"Бұл платформалардың заңнама талаптарын орындау жауапкершілігін күшейту қажеттігін көрсетеді", - деді Қырықбаев Құрылтайдың бүгінгі отырысында.
Осыған байланысты заң жобасына бірнеше маңызды өзгеріс енгізіліп отыр.
платформалардың заңды тұлға нысанындағы өкілдіктерін ашу талабын заңмен бекіту;
уәкілетті органның құқыққа қайшы контентті және балаға қатысты кибербуллинг деп танылған ақпаратты жою жөніндегі нұсқамаларды 24 сағаттың ішінде орындамағаны үшін әкімшілік жауапкершілік енгізу;
бұқаралық ақпарат құралдарында және онлайн-платформаларда балағат сөздер айтқаны үшін жауапкершілік енгізу.
Бұдан бөлек, 5 мыңнан астам жазылушысы бар желі қолданушыларын сәйкестендіру тетігі де бар.
Ал уәкілетті органның құқыққа қайшы контентті жою жөніндегі нұсқаманы орындамағаны үшін 200 АЕК (2026 жылы - 865 000 теңге) көлемінде айыппұл салу ұсынылып отыр. Министрлік айыппұл мөлшерін арттыруға қарсы емес. Депутаттардың ұсыныстары екінші оқылымға дейін тағы қаралады.
Айта кетері, заң жобасында 16 жасқа толмаған балаларға желіде тіркелуге тыйым салатын нормалар бар.
Девушка держит мобильный телефон - Sputnik Қазақстан, 1920, 18.11.2026
Он алты жасқа толмаған балаларға желіде тіркелуге тыйым салынады – заң әзірленді
Жаңалықтар
0