Он алты жасқа толмаған балаларға желіде тіркелуге тыйым салынады – заң әзірленді

© Photo : Luisella Planeta Leoni Девушка держит мобильный телефон
Девушка держит мобильный телефон - Sputnik Қазақстан, 1920, 18.11.2026
Жазылу
Тыйым ата-аналармен және мұғалімдермен байланыс орнатуға арналған мессенджерлерге қолданылмайды
АСТАНА, 18 қараша – Sputnik. Мәдениет және ақпарат министрлігі балаларға әлеуметтік желіде тіркелуге тыйым салатын заң жобасын таныстырды, деп хабарлайды Sputnik Қазақстан.
Министр Арман Қырықбаевтың айтуынша, платформа иелері мен олардың өкілдіктері пайдаланушының жасын тексеру шараларын қабылдауға міндетті болады.
"Бұл ретте тыйым тұлғааралық қарым-қатынас жасауға, ата-аналармен және мұғалімдермен байланыс орнатуға арналған мессенджерлерге қолданылмайды", - деді Қырықбаев Құрылтайдың бүгінгі отырысында.
Айта кетері, президент Қасым-Жомарт Тоқаев та бұл мәселеге ерекше назар аударған еді. Ол Құрылтайдың бірінші сессиясында депутаттарға тиісті заңнаманы қарастыруды ұсынды.
Қазір бірқатар елде балалардың әлеуметтік желілерді пайдалануына жас шектеулері енгізіліп жатыр. Sputnik Қазақстан осы саладағы әлемдік тәжірибені зерделеп шыққан болатын.
Мессенджер WhatsApp - Sputnik Қазақстан, 1920, 01.10.2026
Қазақстанда 16 жасқа дейін желіде тіркелуге тыйым салынады – әлемдік тәжірибе қандай
Жаңалықтар
0