Министрлік оқушыларды есепке алу ережесіне енгізілген түзетуді түсіндірді

© Sputnik / Александр Кряжев / Медиабанкке өтуОқулық
Оқулық - Sputnik Қазақстан, 1920, 17.11.2026
Жазылу
Сабаққа дәлелді себепсіз жүйелі түрде қатыспайтын оқушылар туралы мәліметтер ұлттық білім беру деректер базасына бұрыннан енгізіліп келеді
АСТАНА, 17 қараша – Sputnik. Оқу-ағарту министрлігі оқушыларды есепке алу ережелеріне қандай өзгеріс енгізілгенін түсіндірді, деп хабарлайды Sputnik Қазақстан.
Бұған дейін балалар құқығын қорғау басқармасы таратқан мәліметке сәйкес, 21 қарашадан бастап балаларды есепке алу және мектептегі буллингке қатысты жаңа ережелер күшіне енеді. Атап айтқанда, 18 жасқа дейінгі барлық бала туралы мәлімет бір базаға жиналады. Оған мектепке бармайтын және сабақтан жиі қалатын балалар да кіреді. Себепсіз сабақтан қалу туралы ақпаратты полиция да тексереді. Ал мектептегі буллинг туралы шағым бір жұмыс күні ішінде тіркелуі керек.
Оқу-ағарту министрлігіне қарасты балалардың құқықтарын қорғау комитетінің бас сарапшысы Альбина Залмұқанованың айтуынша, сабаққа дәлелді себепсіз жүйелі түрде қатыспайтын оқушылар туралы мәліметтер ұлттық білім беру деректер базасына бұрыннан енгізіліп келеді. Полиция бұл мәліметтерай сайын полиция салыстырып отырады. Ереженің өзі 2017 жылы 11 шілдеде бекітілген болатын.
"Содан бері оларға бірнеше рет өзгерістер енгізілді. Қараша айында қолданыстағы қағидаларға енгізілген кезекті түзетулер күшіне енеді. Атап айтқанда, олардың тұжырымдары жаңа Конституцияға сәйкес келтірілді. Бұл түзетулер сабаққа қатыспайтын оқушыларды арнайы есепке алуды көздемейді және редакциялық сипатқа ие", - дейді Залмұқанова.
Ал буллингтің алдын алу және оған ден қою қағидалары 2022 жылдан бері бар. Биыл көктемде "Құқық бұзушылық профилактикасы туралы" заңын іске асыру аясында ден қоюдың бірыңғай алгоритмі қабылданды.
Тонометр - Sputnik Қазақстан, 1920, 08.08.2026
Елде оқушыларды профилактикалық тексеру цифрландырылады
Жаңалықтар
0