Жыл басынан бері заңсыз орнатылған 595 жанармай багы анықталды

© Photo : Polisia.kzПресечено 595 фактов незаконной установки дополнительных топливных баков
Пресечено 595 фактов незаконной установки дополнительных топливных баков - Sputnik Қазақстан, 1920, 16.11.2026
Жазылу
Заң бұзушылықтардың басым бөлігі Жамбыл облысында тіркелген – 386 дерек
АСТАНА, 16 қараша – Sputnik. Қазақстанда жыл басынан бері жалпы көлемі 159,5 тонна болатын 595 заңсыз жанармай бағы анықталды. Бұл туралы Polisia.kz хабарлады.
Мемлекеттік шекарадағы 48 автомобиль өткізу пунктінің маңында тәулік бойы жұмыс істейтін полиция бекеттері қойылған.
Заң бұзушылықтардың басым бөлігі Жамбыл облысында тіркелген – 386 дерек. Түркістан облысында 119, Қостанай облысында 80 дерек анықталды.
Жүргізушілер әкімшілік жауапкершілікке тартылды. Көліктерден заңсыз орнатылған жанармай бактары алынып тасталды. Бұдан бөлек, 5 қазан мен 5 қараша аралығында республика бойынша "Қауіпсіз үй" жедел-профилактикалық іс-шарасы өткізілді.
"Полицейлер 576 мыңнан астам тұрғын үй мен өзге де нысанды тексерді. Жалға берілетін пәтерлерге, саяжай үйлеріне, тұрмысы қолайсыз отбасыларға және профилактикалық есепте тұрған азаматтарға ерекше назар аударылды. Көші-қон заңнамасын бұзудың 42 мыңға жуық дерегі анықталды", – делінген хабарламада.
Тоғыз мыңға жуық шетелдік әкімшілік жауапкершілікке тартылды. Сондай-ақ тұрақты тұрғылықты жері жоқ 3,5 мыңнан астам адам полицияға жеткізілді.
Сонымен қатар 100 мыңнан астам қару иесі тексерілді. Нәтижесінде 1,5 мыңнан астам құқық бұзушылықтың жолы кесіліп, тіркелмеген 195 қару тәркіленді.
Работа АЗС в Москве - Sputnik Қазақстан, 1920, 09.11.2026
Мұнай өнімдерін экспорттауға салынған тыйым тағы алты айға ұзартылды
Жаңалықтар
0