Елорда тұрғыны бейнебақылау жүйесін қасақана зақымдаған

© Sputnik / Болат ШайхиновБейнебақылау камерасы
Бейнебақылау камерасы - Sputnik Қазақстан, 1920, 16.11.2026
Жазылу
Сот шешімімен ол 10 тәулік мерзімге қамауға алынды
АСТАНА, 16 қараша – Sputnik. Астанадағы тұрғын үй кешендерінің бірінде бөтеннің мүлкін қасақана бүлдіру дерегі анықталды, деп хабарлады Ішкі істер министрлігі.
Құқыққа қайшы әрекеттің салдарынан домофон жүйесі мен бейнебақылау камералары істен шыққан.
"Тексеру барысында полиция қызметкерлері құқық бұзушының жеке басын анықтады. Ол 46 жастағы Астана тұрғыны болып шықты. Ер адам мүлік иелерінің кооперативі кеңсесінің кіреберісіне қарама-қарсы орналасқан бейнебақылау камерасын қасақана істен шығарып, мүлікке залал келтірген", - деп жазылған хабарламада.
Бөтеннің мүлкін қасақана бүлдіргені үшін азамат әкімшілік жауапқа тартылды. Сот шешімімен ол 10 тәулік мерзімге қамауға алынды.
Полиция мәліметінше, жыл басынан бері бөтеннің мүлкін бүлдіру және өзге де бұзақылық әрекеттері үшін 225 құқық бұзушы жауапқа тартылған.
Новоселье, архивное фото - Sputnik Қазақстан, 1920, 06.10.2026
Семейде ер адам домофон мен камераны қасақана сындырған
Жаңалықтар
0