Астанада "01market" ломбардтар желісі 102 млн теңге заңсыз табыс тапқан

© Sputnik / Виталий АньковАрхивное фото мужчины, находящегося в состоянии стресса
Архивное фото мужчины, находящегося в состоянии стресса - Sputnik Қазақстан, 1920, 16.11.2026
Жазылу
Қарыз 30 күнге беріліп, оған күніне 0,25%-ға дейін сыйақы есептелген
АСТАНА, 16 қараша – Sputnik. Астанада "01market" ломбардтар желісін ұйымдастырушыға қатысты микрокаржылық қызметпен заңсыз айналысу дерегі бойынша тергеу аяқталды. Қылмыстық іс сотқа жолданды, деп хабарлайды Қаржылық мониторинг агенттігі.
Тергеу мәліметінше, 2021 жылдан бері күдіктінің бақылауындағы "INVEST PRO KZ" ЖШС, "Исмагулов Р.Б." және "Pro Kz" жеке кәсіпкерліктері тиісті лицензиясыз қарыз беріп келген.
"Олар нақты қызметін жасыру үшін комиссиялық сауда мәмілесін рәсімдегендей болып, клиенттерге кепіл билеттерін берген. Ал іс жүзінде азаматтарға мүлкін кепілге қою арқылы қолма-қол ақша түрінде қарыз ұсынылған", - деп жазылған хабарламада.
Қарыз 30 күнге беріліп, оған күніне 0,25%-ға дейін сыйақы есептелген. Мерзімін ұзартқаны үшін қосымша төлемдер мен айыппұлдар алынған. Қарыз уақытында қайтарылмаған жағдайда кепілге қойылған мүлік сатылған.
Заңсыз қызметтен түскен табыс 102 млн теңгеден асқан. Мүлікті тәркілеуді қамтамасыз ету мақсатында сот санкциясымен екі пәтерге, үш автокөлікке және екі кеңсеге тыйым салынды.
Қылмыстық іс сотқа жолданды.
Деньги тенге клавиатура, иллюстративное фото - Sputnik Қазақстан, 1920, 19.10.2026
Алматы облысында ломбард басшысы қылмыстық жолмен 146 млн теңге тапқан
Жаңалықтар
0