Қазақстан мен Қытай арасындағы жүк тасымалы 8%-ға артты

© Пресс-служба "Казахстан Темир Жолы"Чунцин - Достық - Ворсино бағытындағы пойыз
Чунцин - Достық - Ворсино бағытындағы пойыз  - Sputnik Қазақстан, 1920, 13.11.2026
Жазылу
Бұл теміржол арқылы орындалған көрсеткіш
АСТАНА, 13 қараша – Sputnik. Қазақстан мен Қытай арасындағы теміржол арқылы жүк тасымалының көлемі 8%-ға артты, деп хабарлады Көлік министрлігі.
2026 жылдың 10 айының қорытындысы бойынша Қазақстан мен Қытай арасындағы жүк тасымалының көлемі 31,8 млн тоннаны құрады. Бұл өткен жылдың сәйкес кезеңімен салыстырғанда 8%-ға жоғары. Былтыр осы кезеңде 29,4 млн тонна жүк тасымалданған.
"Осылайша, 2026 жылғы қаңтар-қазан айлары аралығында Қытайдан Қазақстанға 12,1 млн тонна жүк жеткізілді. Бұл өткен жылдың сәйкес кезеңімен салыстырғанда 9%-ға жоғары", - деп жазылған хабарламада.
Оның ішінде Достық шекаралық станциясы арқылы 5,0 млн тонна жүк тасымалданып, өсім 13%-ды құрады. Ал Алтынкөл станциясы арқылы тасымал көлемі 6%-ға артып, 7,1 млн тоннаға жетті.
Кері бағытта, яғни Қазақстаннан Қытайға 19,7 млн тонна жүк жөнелтілді. Бұл 2025 жылдың сәйкес кезеңімен салыстырғанда 8%-ға жоғары.
Шекаралық өткелдер бөлінісінде Достық станциясы арқылы 13,1 млн тонна жүк тасымалданып, өсім 12%-ды құрады. Ал Алтынкөл станциясы арқылы тасымал көлемі 1%-ға артып, 6,6 млн тоннаны құрады.
Ұшақ - Sputnik Қазақстан, 1920, 05.11.2026
Қазақстан мен Қытай әуе рейстер санын 180-ге дейін арттырады
Жаңалықтар
0