Үкімет Петропавлда жаңа жедел жәрдем стансасын салуға 5,9 млрд теңге бөлді

© Sputnik / Антон Вергун / Медиабанкке өтуЖедел жәрдем
Жедел жәрдем - Sputnik Қазақстан, 1920, 12.11.2026
Жазылу
Оның ішінде медициналық жабдықтар сатып алуға шамамен 800 млн теңге қарастырылған
АСТАНА, 12 қараша – Sputnik. Үкімет Петропавлда жаңа медициналық жедел жәрдем стансасын салуға 5,9 млрд теңге бөлді
Петропавл қаласында жедел және шұғыл медициналық жәрдем стансасының жаңа ғимараты салынады.
"Бұл мақсатқа Инфрақұрылымды дамыту қорынан 5,9 млрд теңге бөлінді. Оның ішінде медициналық жабдықтар сатып алуға шамамен 800 млн теңге қарастырылған", - деп жазылған хабарламада.
Қазіргі уақытта облыстық жедел медициналық жәрдем стансасы қаладағы 22 бригаданың және ауылдық жерлердегі 14 бөлімшенің жұмысын үйлестіреді. Олар 510 мыңнан астам тұрғынға медициналық қызмет көрсетеді. Әр бригада тәулігіне орта есеппен 16 шақыртуға шығады. Жыл сайынғы шақыртулар саны 100 мыңнан асады.
Жалпы аумағы 1,5 гектар болатын кешеннің құрамына төрт қабатты негізгі ғимарат, цифрлық диспетчер қызметі, симуляциялық орталық, 20 санитариялық автокөлікке арналған жылы гараж, көлік жуу орны мен жөндеу шеберханасы кіреді. Құрылыс жұмыстарын 2027 жылғы желтоқсанда аяқтау жоспарланған.
Жаңа ғимаратта арнайы техниканы, медициналық құралдар мен дәрілік заттарды да сақтауға арналған үй-жайлар қарастырылатын болады.
Жедел жәрдем көлігі - Sputnik Қазақстан, 1920, 14.09.2026
Үкімет Ақтөбе облысында жаңа жедел жәрдем нысанының құрылысына 5,7 млрд теңге бөлді
Жаңалықтар
0