"Самұрық-Қазына" мен "ҚТЖ" басшылары ұсталды: Тоқаев шұғыл отырыс өткізеді

Касым-Жомарт Токаев - Sputnik Қазақстан, 1920, 12.11.2026
Жазылу
Жиын барысында президент "Самұрық-Қазына" мен "Қазақстан темір жолы" басшыларының ұсталуына байланысты мемлекеттің позициясын жеткізеді
АСТАНА, 12 қараша – Sputnik. 13 қарашада мемлекет басшысы Қасым-Жомарт Тоқаев Қазақстан Республикасы Қауіпсіздік Кеңесінің шұғыл отырысын өткізеді. Бұл туралы президенттің баспасөз хатшысы Айбек Смадияров желідегі парақшасында жазды, деп хабарлайды Sputnik Қазақстан.
Жиында көлік-логистика саласын дамыту мәселелері қаралады.

"Отырыста президент "Самұрық-Қазына" ұлттық әл-ауқат қоры мен "Қазақстан темір жолы" ҰК" АҚ басшыларының сыбайлас жемқорлық қылмысына қатысы бар деген күдікпен ұсталуына байланысты мемлекеттің позициясын жеткізеді", - деп атап өтті Смадияров.

Сонымен қатар мемлекет басшысы "Заң мен тәртіп" қағидатын сақтау, ұлттық компания басшыларының жеке жауапкершілігін арттыру, стратегиялық маңызы бар кәсіпорындардың қызметіндегі заңдылық пен ашықтықты қамтамасыз ету мәселелеріне ерекше назар аударады.
Самұрық-Қазына төрағасы мен Қазақстан темір жолы басшысы ұсталды - Sputnik Қазақстан, 1920, 12.11.2026
Видео
"Самұрық-Қазына" төрағасы мен "Қазақстан темір жолы" басшысы ұсталды
Жаңалықтар
0