Орал тұрғынына бөгде біреу полицейдің атынан айыппұл салған

© Photo : Polisia.kzПолицей формасы
Полицей формасы - Sputnik Қазақстан, 1920, 12.11.2026
Жазылу
Ол хаттаманың қалай және қай жерде рәсімделгенін де білмейді
АСТАНА, 12 қараша – Sputnik. Оралдың әкімшілік соты полиция атынан келген айыппұлды есептен шығаруға шешім шығарды, деп хабарлайды Sputnik Қазақстан Мой город порталына сілтеме жасап.
Сотқа арызданған әйелге 43 250 теңге көлемінде айыппұл салынған. Ол хаттаманың қалай және қай жерде рәсімделгенін де білмейді. Ал айыппұлға қатысты сот отырысына ешкім шақырмаған.
Осы жолғы отырысқа айыппұлды рәсімдеген полицей шақырылды. Инспектор хаттамаға қол қоймағанын ашық айтты. Бұған дейін өзінің электронды цифрлық қолтаңбасын басқа біреуге берген екен. Дәл сол адам полицейдің атынан айыппұлдарды салып отырған.
Сотта полиция айыппұл алған әйелдің кінәсін дәлелдей алмады, қажетті құжаттар да ұсынылған жоқ. Осыдан кейін судья заңсыз айыппұлды есептен шығаруға үкім шығарды.
Бұдан бөлек, Батыс Қазақстан облыстық полиция бастығы қызметтік тексерісті өткізуге міндеттелді. Тәртіп сақшылары жалған электронды құжаттарды кімнің жасағынан, сондай-ақ, электронды цифрлық қолтаңбалар бөгде біреудің қолына қалай түсетінін анықтауы қажет.
Мужчина в капюшоне - Sputnik Қазақстан, 1920, 15.09.2026
Агенттік атынан жалған ресми хаттар тарату жалғасып жатыр - ҚМА
Жаңалықтар
0