Экономика

"Кеңқияқ – Атырау" мұнай құбыры арқылы мұнай экспорттау көлемі он айда 29%-ға өсті

© Photo : Пресс-служба ТОО "МунайТас" Производственные объекты ТОО "МунайТас"
Производственные объекты ТОО МунайТас - Sputnik Қазақстан, 1920, 11.11.2026
Жазылу
2026 жылдың 10 айында экспортқа 847 мың тонна мұнай жөнелтілді. Бұл 2025 жылдың сәйкес кезеңімен салыстырғанда 29%-ға көп
АСТАНА, 11 қараша – Sputnik. "Кеңқияқ – Атырау" магистральдық мұнай құбыры жүйесі арқылы мұнай экспорттау көлемі 29%-ға өсті. Бұл туралы "ҚазТрансОйл" АҚ хабарлады.
Компанияның мәліметінше, "ҚазТрансОйл" АҚ пен CNPC бірлесіп бақылайтын "МұнайТас" Солтүстік-Батыс құбыр компаниясы" ЖШС 10 айда 5,5 млн тонна мұнай тасымалдаған.
"Есепті кезеңде "Кеңқияқ – Атырау" магистральдық мұнай құбыры жүйесі арқылы 5,526 млн тонна мұнай тасымалданды. Бұл өткен жылдың сәйкес кезеңімен салыстырғанда 11%-ға жоғары. Оның ішінде ішкі нарыққа 4,679 млн тонна мұнай жеткізілді, бұл 2025 жылдың сәйкес кезеңімен салыстырғанда 8%-ға артық", – делінген хабарламада.
Сонымен қатар экспортқа 847 мың тонна мұнай жөнелтілді. Бұл 2025 жылдың 10 айындағы көрсеткіштен 29%-ға жоғары.
2026 жылдың 10 айында "Кеңқияқ – Атырау" магистральдық мұнай құбыры бойынша мұнайдың жүк айналымы 2,304 млрд тонна-километрді құрады. Бұл 2025 жылдың сәйкес кезеңімен салыстырғанда 9%-ға артық.
Айта кетері, "МұнайТас" ЖШС – "ҚазТрансОйл" АҚ (51%) және CNPC Exploration and Development Company Ltd (49%) бірлескен кәсіпорны. Ол "Кеңқияқ – Атырау" магистральдық мұнай құбырын жобалау, қаржыландыру, салу және пайдалану мақсатында құрылған.
Работа АЗС в Москве - Sputnik Қазақстан, 1920, 09.11.2026
Мұнай өнімдерін экспорттауға салынған тыйым тағы алты айға ұзартылды
Жаңалықтар
0