Абай облысында алтынды заңсыз өндіргендер анықталды

© Sputnik / Редлих / Медиабанкке өтуАлтын өндіру
Алтын өндіру - Sputnik Қазақстан, 1920, 10.11.2026
Жазылу
Заңсыз қазып алынған тау жыныстарының көлемі 12 мың текше метрден асқан
АСТАНА, 10 қараша – Sputnik. Абай облысының Жарма ауданында алтынды заңсыз өндіруді ұйымдастырған адамдар тобының әрекеті анықталды, деп хабарлады Қаржылық мониторинг агенттігі.
Тергеу деректеріне сәйкес, қылмыстық топ Жаңғызтөбе кентінен 10 шақырым жерде тиісті рұқсатсыз алтын өндірген. Құрамында алтыны бар кенді ашық әдіспен қазып алып, арнайы жабдықтардың көмегімен шайып отырған.
Аумақты тексеру кезінде тереңдігі 15 метрлік карьер анықталды.
"Заңсыз қазып алынған тау жыныстарының көлемі 12 мың текше метрден асқан. Сондай-ақ 4 мың шаршы метрден астам жердің құнарлы топырақ қабаты бүлінген", - деп жазылған хабарламада.
Жедел іздестіру шаралары барысында бұл іске қатысы бар тоғыз адам анықталды.
Заңсыз кен өндірілген жерден кенді шаюға және ұсақтауға арналған жабдықтар, құрамында алтыны бар жеті қап материал, екі металл іздегіш құрал, екі тиегіш және бір экскаватор тәркіленді.
Тергеу жалғасып жатыр.
Қолкісен - Sputnik Қазақстан, 1920, 07.08.2026
Видео
Қызылорда облысында алтынды заңсыз өндірген қылмыстық топ ұсталды
Жаңалықтар
0