Қазақстанға мемлекеттік сапармен Бельгия королі мен патшайымы келді
08:15 12.10.2026 (жаңартылды: 08:19 12.10.2026)
Жазылу
Тоқаев король Филипп пен патшайым Матильданы әуежайдан қарсы алды
АСТАНА, 12 қазан – Sputnik. Қасым-Жомарт Тоқаев Қазақстанға мемлекеттік сапармен келген король Филипп пен патшайым Матильданы елорда әуежайынан қарсы алды.
Қазақстанға мемлекеттік сапармен Бельгия королі мен патшайымы келді
Қазақстан Әскери әуе күштерінің ұшақтары мемлекет шекарасынан Астанаға дейін король мен патшайым мінген бортқа қапталдаса ұшты.
Қазақстанға мемлекеттік сапармен Бельгия королі мен патшайымы келді
Мәртебелі меймандарды салтанатты түрде қарсы алу үшін ұшу алаңында Құрмет қарауылы ротасы мен Президенттік оркестр сап түзеді.
Касым-Жомарт Токаев встретил Короля бельгийцев Филиппа и королеву Матильду
Әуежай залында Тоқаев құрметті қонақтармен аз-кем әңгімелесті.
Қазақстанға мемлекеттік сапармен Бельгия королі мен патшайымы келді
© Photo : Президенттің баспасөз қызметі
Мемлекет басшысы король мен патшайымның елімізге сапары Қазақстан-Бельгия қарым-қатынасын одан әрі нығайту тұрғысынан тарихи мәнге ие екеніне назар аударды.
"Қазақстанға қош келдіңіздер. Сапарларыңыз мемлекетіміздің дамуындағы өте маңызды кезеңмен тұспа-тұс келіп отыр. Жалпы, еліміз өркендеп, экономикасы ілгерілеп келеді. Сіздердің сапарларыңыз екіжақты қарым-қатынасқа тың серпін береді деп айтуға болады", – деді президент.
Король Филипп қонақжайлық көрсеткені үшін Тоқаевқа алғыс айтып, ертеңгі жоғары деңгейде өтетін келіссөздер табысты болатынына сенім білдірді. Сондай-ақ екі елдің сан қырлы серіктестігін тереңдетудің маңызын атап өтті.
"Қазақ жеріне қадам басқан сәттен бастап көрсетілген сый-құрмет үшін Сізге алғыс айтамын. Үш күндік сапармен келгенімізге қуаныштымыз әрі еліңізбен жақынырақ танысамыз деп сенемін", – деді король Филипп.
