Азия ойындары: Қазақстан бір күнде бес медаль жеңіп алды
12:07 26.09.2026 (жаңартылды: 12:11 26.09.2026)
Жазылу
Ұлттық құрама қазір ХХ жазғы Азия ойындарының жалпыкомандалық есебінде төртінші орында тұр
АСТАНА, 26 қыркүйек – Sputnik. 25 қыркүйекте Айчи мен Нагояда өтіп жатқан ХХ жазғы Азия ойындарының алтыншы жарыс күні аяқталды. Күн қорытындысы бойынша Қазақстан құрамасы ескек есу, нысана көздеу, семсерлесу және жеңіл атлетикадан бес қола медаль иеленді, деп хабарлады Туризм және спорт министрлігі.
Атап айтқанда, алтыншы жарыс күніндегі алғашқы жүлдені ескек есуден Қазақстан әйелдер құрамасы еншіледі. Ольга Шмелева, Стэлла Суханова, Татьяна Токарницкая және Эвелина Костенко байдарка-төрттігінен 500 метр қашықтықта қола жүлдеге ие болды. Қазақстандық спортшылар бұл қашықтықты 1 минут 37,005 секундта бағындырды.
Нысана көздеуден Ислам Сәтпаев ел қоржынына тағы бір қола медаль салды. 50 метр қашықтықтан шағын калибрлі винтовкамен үш позицияда ату сайысының финалында қазақстандық спортшы 348,3 ұпай жинап, үшінші орын алды.
Семсерлесуден әйелдер құрамасы да қола жүлдегер атанды. Ширек финалда қазақстандықтар Гонконг құрамасын 45:35 есебімен жеңсе, жартылай финалда Қытай спортшыларына 21:45 есебімен жол берді. Нәтижесінде София Николайчук, Ирина Бакалдина, Владислава Андреева және Дарья Самоделкина Азия ойындарының қола жүлдесін иеленді.
Қазақстан құрамасы жеңіл атлетикадан екі қола медаль жеңіп алды. Полина Иванова сырықпен секіруде 4,15 метр биіктікті бағындырып, үшінші орынға тұрақтады. Бұл - Қазақстанның Азия ойындарындағы аталған спорт түрінен тарихтағы алғашқы медалі.
Сондай-ақ Алина Чистякова жеті сайыста қола жүлдеге қол жеткізді. Жеті сайыстың қорытындысы бойынша қазақстандық жеңіл атлет 5568 ұпай жинады.
Бұдан бөлек, бірнеше қазақстандық спортшы жүлдеге бір табан жақын болды. Мәселен, спорттық гимнастикадан Милад Карими керме жаттығуының финалында 13,666 ұпай жинап, төртінші орын алды. Ескек есуден Бекарыс Раматулла мен Дмитрий Холмогоров байдарка-екіліктің 500 метрлік жарысында төртінші нәтиже көрсетті.
Тау велоспортынан Денис Сергиенко ерлер арасындағы кросс-кантри жарысында бесінші орын алды. Ал Максим Фроловский 10 000 метрге жүгіруден финалда алтыншы сатыға тұрақтады.
Жағажай волейболынан Мерей Қожахмет пен Лаура Қабылбекова топтық кезеңдегі екінші жеңісіне қол жеткізді. Қазақстандық жұп Филиппин өкілдері Бернадет Понс пен Черри Энн Рондинуды 2:1 есебімен жеңіп, іріктеу кезеңін бірде-бір жеңіліссіз аяқтады.
Бокстан Назым Қызайбай мен Оразбек Асылқұлов жарысты 1/8 финал кезеңінде аяқтады.
Алты жарыс күнінен кейін Қазақстан құрамасының қоржынында 30 медаль бар: 8 алтын, 8 күміс және 14 қола. Ұлттық құрама ХХ жазғы Азия ойындарының жалпыкомандалық есебінде төртінші орында тұр.
Атап айтқанда, алтыншы жарыс күніндегі алғашқы жүлдені ескек есуден Қазақстан әйелдер құрамасы еншіледі. Ольга Шмелева, Стэлла Суханова, Татьяна Токарницкая және Эвелина Костенко байдарка-төрттігінен 500 метр қашықтықта қола жүлдеге ие болды. Қазақстандық спортшылар бұл қашықтықты 1 минут 37,005 секундта бағындырды.
Нысана көздеуден Ислам Сәтпаев ел қоржынына тағы бір қола медаль салды. 50 метр қашықтықтан шағын калибрлі винтовкамен үш позицияда ату сайысының финалында қазақстандық спортшы 348,3 ұпай жинап, үшінші орын алды.
Семсерлесуден әйелдер құрамасы да қола жүлдегер атанды. Ширек финалда қазақстандықтар Гонконг құрамасын 45:35 есебімен жеңсе, жартылай финалда Қытай спортшыларына 21:45 есебімен жол берді. Нәтижесінде София Николайчук, Ирина Бакалдина, Владислава Андреева және Дарья Самоделкина Азия ойындарының қола жүлдесін иеленді.
Қазақстан құрамасы жеңіл атлетикадан екі қола медаль жеңіп алды. Полина Иванова сырықпен секіруде 4,15 метр биіктікті бағындырып, үшінші орынға тұрақтады. Бұл - Қазақстанның Азия ойындарындағы аталған спорт түрінен тарихтағы алғашқы медалі.
Сондай-ақ Алина Чистякова жеті сайыста қола жүлдеге қол жеткізді. Жеті сайыстың қорытындысы бойынша қазақстандық жеңіл атлет 5568 ұпай жинады.
Бұдан бөлек, бірнеше қазақстандық спортшы жүлдеге бір табан жақын болды. Мәселен, спорттық гимнастикадан Милад Карими керме жаттығуының финалында 13,666 ұпай жинап, төртінші орын алды. Ескек есуден Бекарыс Раматулла мен Дмитрий Холмогоров байдарка-екіліктің 500 метрлік жарысында төртінші нәтиже көрсетті.
Тау велоспортынан Денис Сергиенко ерлер арасындағы кросс-кантри жарысында бесінші орын алды. Ал Максим Фроловский 10 000 метрге жүгіруден финалда алтыншы сатыға тұрақтады.
Жағажай волейболынан Мерей Қожахмет пен Лаура Қабылбекова топтық кезеңдегі екінші жеңісіне қол жеткізді. Қазақстандық жұп Филиппин өкілдері Бернадет Понс пен Черри Энн Рондинуды 2:1 есебімен жеңіп, іріктеу кезеңін бірде-бір жеңіліссіз аяқтады.
Бокстан Назым Қызайбай мен Оразбек Асылқұлов жарысты 1/8 финал кезеңінде аяқтады.
Алты жарыс күнінен кейін Қазақстан құрамасының қоржынында 30 медаль бар: 8 алтын, 8 күміс және 14 қола. Ұлттық құрама ХХ жазғы Азия ойындарының жалпыкомандалық есебінде төртінші орында тұр.
