Төтенше жағдайлар министрі Костенко шахтасының тереңдігіне түсті
08:38 18.09.2026 (жаңартылды: 08:53 18.09.2026)
© Photo : Пресс-служба МЧС Казахстана
Жазылу
Костенко шахтасында 2024 жылдың 28 қазанында жарылыс болды
АСТАНА, 18 қыркүйек – Sputnik. Қарағанды облысына жұмыс сапары барысында төтенше жағдайлар министрі Мұрат Мұханов Костенко атындағы көмір шахтасына барды.
Ведомство хабарлауынша, ТЖМ басшысы шамамен 700 метр тереңдікте орналасқан минус 100 горизонтына түсті.
Төтенше жағдайлар министрі Костенко шахтасының тереңдігіне түсті
© Photo : Пресс-служба МЧС Казахстана
"Негізгі назар өнеркәсіптік қауіпсіздік мәселелеріне аударылды. Мұрат Мұханов тау-кен қазбалары мен жабдықтарды, желдету, байланыс және хабарлау жүйелерінің жұмысын қарап шықты. Жер астына түсер алдында министрге қолданыстағы аварияларды жою жоспары және штаттан тыс жағдайлар кезінде персоналдың іс-қимыл тәртібі таныстырылды", - дейді министрлікте.
Төтенше жағдайлар министрі Костенко шахтасының тереңдігіне түсті
Төтенше жағдайлар министрі Костенко шахтасының тереңдігіне түсті
Төтенше жағдайлар министрі Костенко шахтасының тереңдігіне түсті
Төтенше жағдайлар министрі Костенко шахтасының тереңдігіне түсті
Төтенше жағдайлар министрі Костенко шахтасының тереңдігіне түсті
Төтенше жағдайлар министрі Костенко шахтасының тереңдігіне түсті
Костенко атындағы шахта 1942 жылдан бері пайдаланылып келеді. Мұнда 1 100 адам жұмыс істейді, тау-кен қазбаларының жалпы ұзындығы 60 шақырымнан асады. Қазіргі уақытта 47 К2-Батыс лавасы игерілуде. Ал 44 К2-Шығыс лавасын дайындау үшін тау-кен қазу жұмыстары жүргізіліп жатыр.
Сапар соңында өндірістік бақылау, персоналдың дайындығы және тау-кен жұмыстарын қауіпсіз жүргізуді қамтамасыз ету мәселелері қаралды.
Еске салайық, Костенко шахтасында 2024 жылдың 28 қазанында жарылыс болды. Апат болған кезде жер астында 252 адам болған және кейіннен 205 кенші жер бетіне шығарылған. Жоғалғандарды іздеу бірнеше күн бойы жалғасып, ақырында 46 адамның мәйіті табылды. Осы оқиғаға байланысты қылмыстық іс қозғалып, 10 адам сот алдында жауап берді.
