Қазақстандық хирургтер Бішкекте бірқатар күрделі операция жасады
08:42 16.09.2026 (жаңартылды: 08:47 16.09.2026)
Жазылу
Операцияларды шағын тіліктер арқылы жүргізуге мүмкіндік беретін технологияларға ерекше назар аударылды
АСТАНА, 15 тамыз – Sputnik. Қазақстан медицинасының күндері шеңберінде А.Н. Сызғанов атындағы Ұлттық ғылыми хирургия орталығының мамандары Бішкек қаласындағы Қ. Рысқұлова атындағы Бірінші қалалық клиникалық аурухананың базасында бірқатар бірлескен күрделі операция жасады.
Қазақстандық хирургтер Бішкекте бірқатар күрделі операция жасады
"Операцияларды шағын тіліктер арқылы жүргізуге мүмкіндік беретін технологияларға ерекше назар аударылды. Бұл хирургиялық араласудың жарақаттылығын азайтып, пациенттердің неғұрлым жылдам қалпына келуіне жағдай жасайды", - деп хабарлады денсаулық сақтау министрлігі.
Қазақстандық хирургтер Бішкекте бірқатар күрделі операция жасады
Операциялармен қатар қазақстандық дәрігерлер білім беру дәрістері мен мастер-кластар өткізіп, ауруларды диагностикалау мен емдеудің заманауи тәсілдерін таныстырды. Сондай-ақ әріптестерімен пациенттерді қадағалап-қарау бойынша практикалық тәжірибе алмасты.
Қазақстандық хирургтер Бішкекте бірқатар күрделі операция жасады
Кәсіби тәжірибе алмасудың тағы бір алаңы Бішкек қаласындағы Ұлттық онкология және гематология орталығы болды. Мұнда "Асқазан-ішек жолындағы ісіктерді диагностикалау және емдеудегі заманауи эндоскопиялық шешімдер" тақырыбында халықаралық мастер-кластар өтті.
"Қазақстан мен Қырғызстан мамандары асқазан-ішек жолы ауруларын эндоскопиялық диагностикалау мен аз инвазивті емдеудің заманауи мүмкіндіктерін, оның ішінде жаңа технологияларды практикалық қолдану мәселелерін қарастырды", - дейді министрлікте.
Қазақстандық хирургтер Бішкекте бірқатар күрделі операция жасады
Қырғыз Республикасындағы Қазақстан медицинасының күндері, ең алдымен, тәжірибе алмасуға бағытталған. Екі елдің мамандары пациенттермен бірлесіп жұмыс істеп, операциялар жүргізіп, заманауи медициналық технологияларды меңгеріп жатыр.
