https://sputnik.kz/20260816/shaiqas-2026-chempionaty-studenttik-komandalar-it-azirlemelerin-tanystyrdy-65755998.html
SHAIQAS 2026 чемпионаты: студенттік командалар IT әзірлемелерін таныстырды
SHAIQAS 2026 чемпионаты: студенттік командалар IT әзірлемелерін таныстырды
Sputnik Қазақстан
Студенттік командалар робототехника, ұшқышсыз ұшу аппараттары және киберқауіпсіздік бағыттарындағы әзірлемелерін көрсетті 16.08.2026, Sputnik Қазақстан
2026-08-16T15:58+0500
2026-08-16T15:58+0500
2026-08-16T15:58+0500
студенттер
қазақстан
https://sputnik.kz/img/07ea/08/10/65756103_0:56:1081:664_1920x0_80_0_0_b419f945fff120f5e605f9046cef9f13.jpg
АСТАНА, 16 тамыз – Sputnik. SHAIQAS 2026 әскери-инженерлік чемпионатында қазақстандық жоғары оқу орындарының студенттік командалары өздерінің IT және инженерлік әзірлемелерін ұсынды, деп хабарлады Ғылым және жоғары білім министрлігі.Биыл 13-15 тамыз аралығында Ақмола облысында өткен чемпионатқа барлық өңірден 100-ден астам команда қатысуға өтінім берген.Студенттік командалар робототехника, ұшқышсыз ұшу аппараттары, автономды жерүсті платформалары, бағдарламалау, цифрлық технологиялар және киберқауіпсіздік бағыттарындағы әзірлемелерін көрсетті. Ұсынылған шешімдердің қатарында мобильді роботтандырылған платформалар, қауіпті аймақтардан адамдарды эвакуациялауға арналған технологиялар, түрлі мақсаттағы ұшқышсыз ұшу аппараттары және басқа да инженерлік жобалар бар.SHAIQAS 2026 студенттердің идеяларын прототип пен бағдарламалық шешімнен бастап, нақты жағдайларға барынша жақын ортада сынақтан өткізуге дейін практикада тексеруге мүмкіндік берген бірегей алаңға айналды. Мұндай формат жастардың инженерлік ойлау қабілетін, кәсіпкерлік көзқарасын және технологиялық құзыреттерін дамытуға, сондай-ақ жоғары оқу орындары, мемлекет, қорғаныс саласы мен индустрия арасындағы өзара байланысты нығайтуға ықпал етеді.
https://sputnik.kz/20260502/qostanaylyq-studentter-qazaqstandagy-algashqy-sporttyq-bolidti-qurastyrdy-63123097.html
қазақстан
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
студенттер, қазақстан
SHAIQAS 2026 чемпионаты: студенттік командалар IT әзірлемелерін таныстырды
Студенттік командалар робототехника, ұшқышсыз ұшу аппараттары және киберқауіпсіздік бағыттарындағы әзірлемелерін көрсетті
АСТАНА, 16 тамыз – Sputnik. SHAIQAS 2026 әскери-инженерлік чемпионатында қазақстандық жоғары оқу орындарының студенттік командалары өздерінің IT және инженерлік әзірлемелерін ұсынды, деп хабарлады Ғылым және жоғары білім министрлігі.
Биыл 13-15 тамыз аралығында Ақмола облысында өткен чемпионатқа барлық өңірден 100-ден астам команда қатысуға өтінім берген.
"Іріктеу қорытындысы бойынша финалға ең мықты 20 команда жолдама алып, өз әзірлемелерін таныстырып, әскери полигон аумағында практикалық сынақтардан өтті. Финалға Nazarbayev University, Л.Н.Гумилев атындағы Еуразия ұлттық университеті, Қ.И.Сәтбаев атындағы Қазақ ұлттық техникалық зерттеу университеті, Ғұмарбек Дәукеев атындағы Алматы энергетика және байланыс университеті, Woosong University Kazakhstan, ALT University, SDU University және басқа да жоғары оқу орындарының студенттік командалары қатысты", - деп жазылған хабарламада.
Студенттік командалар робототехника, ұшқышсыз ұшу аппараттары, автономды жерүсті платформалары, бағдарламалау, цифрлық технологиялар және киберқауіпсіздік бағыттарындағы әзірлемелерін көрсетті.
Ұсынылған шешімдердің қатарында мобильді роботтандырылған платформалар, қауіпті аймақтардан адамдарды эвакуациялауға арналған технологиялар, түрлі мақсаттағы ұшқышсыз ұшу аппараттары және басқа да инженерлік жобалар бар.
SHAIQAS 2026 студенттердің идеяларын прототип пен бағдарламалық шешімнен бастап, нақты жағдайларға барынша жақын ортада сынақтан өткізуге дейін практикада тексеруге мүмкіндік берген бірегей алаңға айналды.
Мұндай формат жастардың инженерлік ойлау қабілетін, кәсіпкерлік көзқарасын және технологиялық құзыреттерін дамытуға, сондай-ақ жоғары оқу орындары, мемлекет, қорғаныс саласы мен индустрия арасындағы өзара байланысты нығайтуға ықпал етеді.
