Брест батырларының ерлігі бұрынғы КСРО елдерін ортақ естелік арқылы біріктіреді - Қошанов
17:57 22.06.2026 (жаңартылды: 19:26 22.06.2026)
© Photo
Жазылу
Брест гарнизонындағы 7 мың әскери қызметкердің мыңға жуығы Қазақстаннан келген жауынгерлер болды
АСТАНА, 22 маусым – Sputnik. Брест бекінісін қорғаушылардың ерлігі бұрынғы КСРО елдерін ортақ естелік арқылы біріктіреді, деді Мәжіліс спикері Ерлан Қошанов Брестте өткен "Ұлы мұра – ортақ болашақ" 2-ші халықаралық одақтық форумының пленарлық отырысында, деп хабарлайды Беларусь телеграф агенттігі.
"Осыдан сексен бес жыл бұрын, дәл осындай тыныш жаздың таңында фашистік күштер КСРО-ға шабуыл жасады. Брест бекінісін қорғаушылар бұл опасыздық соққысына бірінші болып батылдықпен қарсы тұрды. Біздің халықтарымыздың сол кездегі естеліктерді қастер тұтатыны қуантады. Брест қамалын қорғаушылардың ерлігі елдерімізді ортақ естелік арқылы біріктіреді", - деп атап өтті Қошанов.
Ерлан Қошанов "Брест қаһарман-бекініс" мемориалдық кешенінің ұжымына қорғаушылардың ерлік істерін есте сақтаудағы еңбегі үшін шынайы алғысын білдірді.
Оның айтуынша, Беларусьтің 65 партизандық бригадалары мен отрядтарында 1500-ден астам қазақстандық соғысқан.
Қошанов тарихшылардың деректеріне сүйене отырып, Беларусьті азат ету жолындағы шайқастарға 120 мыңнан астам қазақстандық қатысқанын айтты. Олардың 84-і Кеңес Одағының Батыры атағына ие болған. Сондай-ақ Қазақстан мен Беларусьтің іздестіру жасақтары Беларусь жерінде қаза тапқан 250-ден астам қазақстандық жауынгердің сүйегін тапқанын жеткізді.
Оның айтуынша, Беларусьтің 65 партизандық бригадалары мен отрядтарында 1500-ден астам қазақстандық соғысқан.
Қошанов тарихшылардың деректеріне сүйене отырып, Беларусьті азат ету жолындағы шайқастарға 120 мыңнан астам қазақстандық қатысқанын айтты. Олардың 84-і Кеңес Одағының Батыры атағына ие болған. Сондай-ақ Қазақстан мен Беларусьтің іздестіру жасақтары Беларусь жерінде қаза тапқан 250-ден астам қазақстандық жауынгердің сүйегін тапқанын жеткізді.
"Қазақстан майданды мұнай өнімдерімен және отынмен, көмірмен, қорғасынмен, басқа да металдармен, азық-түлікпен қамтамасыз етуге зор үлес қосты. Қазақстанның жеті қаласына "Еңбек даңқы қаласы" атағы берілді", - деді Қошанов.
