https://sputnik.kz/20260522/apau-qaydasyz-batys-qazaqstanda-zhogalgan-ayel-bir-taulikten-keyin-togaydan-tabyldy-63627283.html
"Апау, қайдасыз?": Батыс Қазақстанда жоғалған әйел бір тәуліктен кейін тоғайдан табылды
"Апау, қайдасыз?": Батыс Қазақстанда жоғалған әйел бір тәуліктен кейін тоғайдан табылды
Sputnik Қазақстан
Түнде далада қалған ана шөл қысып, қатты қиналған. Бірақ ішерге су таппаған 22.05.2026, Sputnik Қазақстан
2026-05-22T12:20+0500
2026-05-22T12:20+0500
2026-05-22T16:26+0500
батыс қазақстан облысы
малшы
https://sputnik.kz/img/07ea/05/16/63627101_0:120:1280:840_1920x0_80_0_0_27c70e5bebccec44f45e160c575a1163.jpg
АЛМАТЫ, 22 мамыр – Sputnik. Батыс Қазақстан облысында мал бағып жүрген баласын көріп келуге кеткен әйел жоғалып кетті. Полиция қызметкерлері оны бір тәуліктен кейін тапты. Оқиға қалай болған, Sputnik Қазақстан тілшісі сұрап білді.Теректі ауданына қарасты Сатым елді мекенінің 66 жастағы тұрғыны Ырысты Қадешова таңғы сағат он бір шамасында үйінен шығып, қайтып оралмаған. Полицияға әйелдің із-түзсіз кеткенін айтып, баласы хабарласқан.Әйелдің жоғалғаны туралы хабарлама полицияға 20 мамыр күні кешкі сағат тоғыз шамасында түскен. Полиция қызметкерлері жоғалған ананы бірден іздеуге шығады."Баласын іздеп шығып, қайтар жолда адасып қалған. Біз түнімен іздеп, келесі күні 21 мамырда таңғы сағат 08:30 шамасында тоғайдан тауып алдық", - дейді Данияр Темірханов.Малдан қайтқан баласы анасының үйде жоқ екенін көреді.Түнде далада қалған ана шөл қысып, қатты қиналған. Бірақ ішерге су таппаған. Амалсыз шалшыққа беторамалын сулап, сонымен аузын сүртумен болған. Қалың тоғайда жүруге қорыққан ана бір орыннан тапжылмаған."Іздеп келген баламның дауысын естідім. "Апау, қайдасыз?" деді. Қайтадан дауысы естілмей қалды. "Балам, мен мұндамын. Асқар, мен мұндамын" дедім. Сондай қатты қуанып тұрмын, бәрі қорқып кеткен ғой. Полициядағы балаларға рахмет", - дейді жоғалып табылған ана Ырысты Қадешова.
https://sputnik.kz/20260507/zhambyl-oblysynda-bes-kun-buryn-zhogalgan-shopan-tabyldy-63250502.html
батыс қазақстан облысы
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
батыс қазақстан облысы, малшы
батыс қазақстан облысы, малшы
"Апау, қайдасыз?": Батыс Қазақстанда жоғалған әйел бір тәуліктен кейін тоғайдан табылды
12:20 22.05.2026 (жаңартылды: 16:26 22.05.2026) Түнде далада қалған ана шөл қысып, қатты қиналған. Бірақ ішерге су таппаған
АЛМАТЫ, 22 мамыр – Sputnik. Батыс Қазақстан облысында мал бағып жүрген баласын көріп келуге кеткен әйел жоғалып кетті. Полиция қызметкерлері оны бір тәуліктен кейін тапты. Оқиға қалай болған,
Sputnik Қазақстан тілшісі сұрап білді.
Теректі ауданына қарасты Сатым елді мекенінің 66 жастағы тұрғыны Ырысты Қадешова таңғы сағат он бір шамасында үйінен шығып, қайтып оралмаған. Полицияға әйелдің із-түзсіз кеткенін айтып, баласы хабарласқан.
"Әйелдің 45 жастағы баласы таңертең мал жаюға кеткен. Денсаулығы нашар болғандықтан, анасы байыз таппай, алаңдап артынан іздеп шыққан", - дейді Теректі ауданының жедел уәкілі полиция аға лейтенанты Данияр Темірханов.
Әйелдің жоғалғаны туралы хабарлама полицияға 20 мамыр күні кешкі сағат тоғыз шамасында түскен. Полиция қызметкерлері жоғалған ананы бірден іздеуге шығады.
"Баласын іздеп шығып, қайтар жолда адасып қалған. Біз түнімен іздеп, келесі күні 21 мамырда таңғы сағат 08:30 шамасында тоғайдан тауып алдық", - дейді Данияр Темірханов.
Малдан қайтқан баласы анасының үйде жоқ екенін көреді.
"Анамнан басқа кімім бар, анам да осы, әкем де осы кісі. Жалғыз бауырым бар, шыдамай "анам жоқ, анамды тауып берші" деп оған да қоңырау шалдым. Анамды іздеп талай жерге бардым, таба алмадым. Аяғым да ауырды. Сосын полицияға телефон соқтым", - дейді Асқар Нығметов.
Түнде далада қалған ана шөл қысып, қатты қиналған. Бірақ ішерге су таппаған. Амалсыз шалшыққа беторамалын сулап, сонымен аузын сүртумен болған. Қалың тоғайда жүруге қорыққан ана бір орыннан тапжылмаған.
"Іздеп келген баламның дауысын естідім. "Апау, қайдасыз?" деді. Қайтадан дауысы естілмей қалды. "Балам, мен мұндамын. Асқар, мен мұндамын" дедім. Сондай қатты қуанып тұрмын, бәрі қорқып кеткен ғой. Полициядағы балаларға рахмет", - дейді жоғалып табылған ана Ырысты Қадешова.
