Алматыда коммуналдық қызметтер күшейтілген режимге көшірілді

© Sputnik / Анатолий УстиненкоЛивень в Алматы
Ливень в Алматы - Sputnik Қазақстан, 1920, 11.05.2026
Жазылу
3080 жол саласы жұмысшысы мен 1225 арнайы техника жұмылдырылып отыр
АСТАНА, 11 мамыр-Sputnik. Алматыда жауын-шашынға байланысты коммуналдық қызметтер күшейтілген режимге көшті, деп хабарлады әкімдіктің баспасөз қызметі.
Синоптиктердің болжауынша, қалада жауын-шашын 12 мамыр түске дейін жауады. Жаңбыр жауып, найзағай ойнап, желдің жылдамдығы секундына 15–20 метрге дейін күшеюі мүмкін.
"Су басу қаупінің алдын алу және салдарын жедел жою мақсатында коммуналдық қызметтер мен мердігер ұйымдардың тәулік бойғы кезекшілігі ұйымдастырылды. Кезекшілікке 104 арнайы техника, 74 мотопомпа, 12 ассенизаторлық көлік, 75 жедел бригада және 425 жол қызметкері жұмылдырылды. Сондай-ақ, 2300 құм салынған қап дайындалды", - делінген хабарламада.
Қосымша Алматы қаласының құтқару қызметі мен төтенше жағдайлар департаментінің мамандары тартылды.
Жалпы қала бойынша 3080 жол саласы жұмысшысы мен 1225 арнайы техника жұмылдырылды.
Әкімдік қала тұрғындары мен қонақтарынан қауіпсіздік шараларын сақтап, ауа райы жағдайын ескеруді сұрайды.
Подснежник  - Sputnik Қазақстан, 1920, 08.05.2026
Түнде үсік жүреді: синоптиктер алдағы үш күнге ауа райы болжамын жасады
Жаңалықтар
0