Түркістанда трактор қызғалдақты таптап жүр - әкімдік не дейді

© Sputnik / Анатолий УстиненкоФестиваль тюльпанов
Фестиваль тюльпанов - Sputnik Қазақстан, 1920, 12.04.2026
Жазылу
10 га жуық аумаққа Грейг қызғалдағы жыл сайын өсіп шығады екен
АЛМАТЫ, 12 сәуір - Sputnik. Түркістан облысы Ордабасы ауданы Бөржар ауыл округіне қарасты аумақта Қызыл кітапқа енген сирек кездесетін Грейг қызғалдақтарын трактор таптап жүрген видео тарады, деп хабарлайды Sputnik Қазақстан.
Әлеуметтік желіде тараған бейнежазбадан трактордың Қызыл кітапқа енген сирек кездесетін Грейг қызғалдақтарын таптап жүргенін көруге болады. Бұл желі қолданушыларының наразылығын тудырды. Sputnik Қазақстан тілшісі оқиғаның мән-жайын әкімдіктен сұрап білді.
"Бөржар ауыл округіне қарасты КХ-63 облыстық маңызы бар жол бойындағы суарылмайтын егістік жер алқабында шамамен 10 га жуық аумаққа Грейг қызғалдағы жыл сайын өсіп шығады. Суарылмайтын егістік жерлер жауапкершілігі шектеулі серіктестікке тиесілі, 49 жылға жалға берілген", - дейді Ордабасы аудандық әкімдігі.
Грейг қызғалдағы өсетін аумаққа апаратын жол бойында орналасқан жер учаскесіне жер иесі тарапынан ауыл шаруашылығы мақсатында бидай дақылы егілген.
"Қазіргі таңда егістік алқаптарда жоспарлы түрде жер айдау жұмыстары жүргізілуде. Бұл өз кезегінде қызғалдақ гүлдерінің тұқым шашу кезеңіне сәйкес келіп, олардың жыл сайын өсіп шығуына кедергі келтірмейді", - дейді әкімдіктегілер.
Олжас Серікұлы жылыжайда қызғалдақ өсірумен 6 жылдан бері айналысып келеді - Sputnik Қазақстан, 1920, 06.03.2023
Алматылық кәсіпкер: қызғалдақ – нәзік гүл, біздікілер мұны әлі түсінген жоқ
Жаңалықтар
0