https://sputnik.kz/20260407/almatyda-qarzhy-piramidasy-azamattardy-tartu-arqyly-zharty-mlrd-tengege-zhuyq-tabys-tapqan-62463982.html
Алматыда қаржы пирамидасы азаматтарды тарту арқылы жарты млрд теңгеден астам табыс тапқан
Алматыда қаржы пирамидасы азаматтарды тарту арқылы жарты млрд теңгеден астам табыс тапқан
Sputnik Қазақстан
Жобаға қатысу үшін құны 11 мыңнан 160 мың теңгеге дейінгі инвестициялық пакеттерді сатып алу талап етілген 07.04.2026, Sputnik Қазақстан
2026-04-07T16:35+0500
2026-04-07T16:35+0500
2026-04-07T16:51+0500
алматы облысы
алаяқтық
қаржы пирамидасы
https://sputnik.kz/img/1419/45/14194580_0:0:2000:1125_1920x0_80_0_0_ad200b538096bea68cdce7ea136bfd8d.jpg
АСТАНА, 7 сәуір – Sputnik. Қаржылық мониторинг агенттігі "NBC TV" қаржы пирамидасын құру және оған басшылық ету фактісі бойынша тергеуді аяқтады.Тергеу амалдарына сай, 2025 жылы күдікті интернеттегі "www.nbcms.com" ресурсы және WhatsApp мессенджері арқылы азаматтарды тарта отырып, инвестициялық онлайн-жоба ретінде бүркемеленген қаржы пирамидасын ұйымдастырған.Аталған мессенджер чаттарында 200-ден астам адам болған. Қатысушыларға қысқа бейнероликтерді қарағаны үшін табыс табу сылтауымен инвестиция салу ұсынылған.Сонымен қатар тартылған тұлғалардың салымынан 10%-ға дейін сыйақы төленетін рефералдық жүйе, сондай-ақ екінші және үшінші деңгейдегі қатысушылар үшін қосымша бонустар қарастырылған.Заңды қызметтің көрінісін қалыптастыру мақсатында ұйымдастырушылар әлеуметтік желілер мен мессенджерлерде жарнама таратқан, жалған құжаттарды жариялаған, жасанды табыс көрсеткіштерін көрсеткен, блогерлерді тартқан және тақырыптық чаттарды жүргізген.Қаражаттарды қабылдау жеке тұлғалардың шоттарына жүргізіліп, кейін Р2Р операциялары арқылы криптовалютаға айырбасталып, анонимді әмияндарға жіберілген.Қылмыстық іс сотқа жолданды.
https://sputnik.kz/20260403/aqtobede-samokatty-zhalga-beru-arqyly-qarzhy-piramidasyn-uyymdastyrgandar-sottaldy-62378586.html
алматы облысы
Sputnik Қазақстан
media@sputniknews.com
+74956456601
MIA „Rossiya Segodnya“
2026
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
алматы облысы, алаяқтық, қаржы пирамидасы
алматы облысы, алаяқтық, қаржы пирамидасы
Алматыда қаржы пирамидасы азаматтарды тарту арқылы жарты млрд теңгеден астам табыс тапқан
16:35 07.04.2026 (жаңартылды: 16:51 07.04.2026) Жобаға қатысу үшін құны 11 мыңнан 160 мың теңгеге дейінгі инвестициялық пакеттерді сатып алу талап етілген
АСТАНА, 7 сәуір – Sputnik. Қаржылық мониторинг агенттігі "NBC TV" қаржы пирамидасын құру және оған басшылық ету фактісі бойынша тергеуді аяқтады.
Тергеу амалдарына сай, 2025 жылы күдікті интернеттегі "www.nbcms.com" ресурсы және WhatsApp мессенджері арқылы азаматтарды тарта отырып, инвестициялық онлайн-жоба ретінде бүркемеленген қаржы пирамидасын ұйымдастырған.
Аталған мессенджер чаттарында 200-ден астам адам болған. Қатысушыларға қысқа бейнероликтерді қарағаны үшін табыс табу сылтауымен инвестиция салу ұсынылған.
"Жобаға қатысу үшін құны 11 мыңнан 160 мың теңгеге дейінгі инвестициялық пакеттерді сатып алу талап етілген. Бұл ретте тәулігіне 5-10%-ға дейін (айына 150%-дан астам) табыс уәде етілген, ал мұндай төлемдер тек жаңа салымшылардың қаражаты есебінен қамтамасыз етілген", - деп жазылған хабарламада.
Сонымен қатар тартылған тұлғалардың салымынан 10%-ға дейін сыйақы төленетін рефералдық жүйе, сондай-ақ екінші және үшінші деңгейдегі қатысушылар үшін қосымша бонустар қарастырылған.
Заңды қызметтің көрінісін қалыптастыру мақсатында ұйымдастырушылар әлеуметтік желілер мен мессенджерлерде жарнама таратқан, жалған құжаттарды жариялаған, жасанды табыс көрсеткіштерін көрсеткен, блогерлерді тартқан және тақырыптық чаттарды жүргізген.
Қаражаттарды қабылдау жеке тұлғалардың шоттарына жүргізіліп, кейін Р2Р операциялары арқылы криптовалютаға айырбасталып, анонимді әмияндарға жіберілген.
"Сот санкциясымен 1 057 599 USDT (Tether) көлеміндегі криптовалютаға тыйым салынды, бұл шамамен 528,5 млн теңгені құрайды. Күдіктіге қатысты елден шықпау және тиісті мінез-құлық туралы қолхат түріндегі бұлтартпау шарасы қолданылды", - дейді агенттікте.
Қылмыстық іс сотқа жолданды.
