Атырау облысында жылына 130 тонна балық өндіретін кешен іске қосылды

© Photo : Ауыл шаруашылығы министрлігіЖылына 130 тонна балық өндіретін кещен іске қосылды
Жылына 130 тонна балық өндіретін кещен іске қосылды - Sputnik Қазақстан, 1920, 18.03.2026
Жазылу
Кешен 15 млн данаға дейін бекіре тұқымдас балық шабақтарын өсіруге мүмкіндік береді
АСТАНА, 18 наурыз – Sputnik. Атырау облысы, Махамбет ауданында "А-Дана" шаруа қожалығы заманауи балық өсіру кешенін пайдалануға берді.
Балық өсіруге бағытталған кәсіпорынның жобалық қуаты жылына 130 тоннаға дейін тауарлық балық немесе 15 млн данаға дейін бекіре тұқымдас балық шабақтарын өсіруге мүмкіндік береді. Бұл өңірдегі аквакультура саласындағы маңызды нысанның бірі.
Кешен заманауи технологиялық жабдықтармен қамтамасыз етілген. Әрқайсысының көлемі 30 текше метр болатын 28 бассейн, 400 инкубациялық науа, биофильтрлер, сондай-ақ суды механикалық және озон арқылы тазарту жүйелері орнатылған. Өнімнің сапасы мен сақталуын қамтамасыз ету үшін тоңазытқыш камералар қарастырылған.
Қазіргі уақытта балықты тауарлық салмаққа дейін жеткізуге арналған тоғандардың құрылысы аяқталуға жақын. Аумағы 4000 шаршы метр болатын тұйық су айналымы жүйесінің ғимараты салынды. Бұл барлық технологиялық параметрлерді бақылау арқылы балық өсірудің толық циклін қамтамасыз етуге мүмкіндік береді.
Кешеннің іске қосылуы - отандық өндіріс көлемін арттыруға және бағалы балық түрлерін, соның ішінде бекіре тұқымдастарды сақтау мен көбейтуге үлес қосады.
 Региональная программа развития рыбного хозяйства - Sputnik Қазақстан, 1920, 23.02.2025
Қызылордада жылына 4 мың тонна балық өнімі шығарылады
Жаңалықтар
0