Таразда жолаушы автобус жүргізушісін пышақтап тастады

© Sputnik / Абзал Калиев Ограбление, иллюстративное фото
 Ограбление, иллюстративное фото - Sputnik Қазақстан, 1920, 10.03.2026
Жазылу
АЛМАТЫ, 10 наурыз – Sputnik. Таразда ер адам 59 жастағы автобус жүргізушісін пышақтап тастады, деп хабарлайды Sputnik Қазақстан.
Куәгерлердің айтуынша, мас жолаушы автобус жүргізушісінен әрі қарай да жүруін талап еткен. Алайда автобустың жұмыс уақыты аяқталған. Екі ер адам арасында жанжал шығып, арты төбелеске ұласқан. Төбелес кезінде 40 жастағы ер адам 59 жастағы автобус жүргізушісіне пышақ сұққан.
"Полицияға ер адам автобус жүргізушісіне пышақ жарақатын салғаны туралы хабарлама түсті. Оқиға орнына жедел түрде полиция қызметкерлері келді", - дейді Жамбыл облыстық полиция департаменті.
Күдікті ізін суытпай ұсталып, уақытша ұстау изоляторына қамаққа алынды. Жүргізуші ауруханаға жеткізілді.
"Полиция қызметкерлері айғақ зат – бәкіні тәркілеп алды. Қазіргі уақытта тергеу жүріп жатыр", - дейді полиция.
Жаңаөзенде 29 жастағы ер адам пышақ жарақатынан көз жұмды - Sputnik Қазақстан, 1920, 29.01.2026
Жаңаөзенде 29 жастағы дәрігер пышақ жарақатынан көз жұмды
Жаңалықтар
0