АСТАНА, 4 наурыз – Sputnik. Мемлекет басшысы Қасым-Жомарт Тоқаев стратегиялық маңызды нысандарды қорғауды күшейтуді тапсырды, деп хабарлады президенттің кеңесшісі – баспасөз хатшысы Айбек Смадияров.
"Президент Қасым-Жомарт Тоқаев Премьер-министрге, күштік құрылымдардың басшыларына, "Самұрық-Қазына" ұлттық әл-ауқат қоры мен ұлттық компаниялардың жетекшілеріне, сондай-ақ аймақ әкімдеріне тіршілікті қамтамасыз ететін нысандардың, көлік, энергетика және коммуналдық инфрақұрылымның, соның ішінде әуежайлардың, теңіз және өзен порттарының қауіпсіздік шараларын күшейтуді тапсырды", - деп жазылған хабарламада.
Аталған жұмысты үйлестіру Қауіпсіздік кеңесінің хатшысына жүктелді.
