Конгода шенеуніктер отырған ұшақ өртенді
08:52 18.11.2025 (жаңартылды: 09:27 18.11.2025)
© Photo : Страница @geotechwar в соцсетях
Жазылу
Үкімет өкілдері арасында зардап шеккендер жоқ, олар дер кезінде эвакуацияланды
АСТАНА, 18 қараша – Sputnik. Конгода Калондо кенішіндегі апат болған шахтаға бара жатқан 20 шенеуніктен тұратын делегация ажал құша жаздады, деп хабарлады жергілікті Actuaite.cd басылымы.
A plane carrying a delegation of the Minister of Mines crashes upon landing at Kolwezi airport in the capital of Lualaba District in the Democratic Republic of the Congo.
— Breaking Aviation News & Videos (@aviationbrk) November 17, 2025
Initial reports say all crew members and passengers of the delegation evacuated the aircraft safely. pic.twitter.com/MflPU7nJ9z
Киншасадан шыққан делегация отырған ұшақ Колвези қаласының әуежайына қонған кезде өртеніп кеткен.
"Ұшақ дұрыс қона алмай, өртенді. Ол толығымен отқа оранғанға дейін бәріміз сыртқа шығып үлгердік", — деді делегация жетекшісінің коммуникация жөніндегі кеңесшісі Исаак Ньембо.
Ньембоның айтуынша, делегация мүшелерінің ешқайсысы зардап шекпеген.
Тау-кен өнеркәсібі министрі Луи Ватум Кабамба мен өзге де шенеуніктер Калондо мыс-кобальт кенішінде 40-тан аса кеншінің қаза табуына қатысты тергеу жұмыстарын қадағалау үшін Колвезиге жол тартқан болатын.
