Мәскеуде Ресей мен Қазақстанның достық саябағы ашылды
13:02 12.11.2025 (жаңартылды: 13:04 12.11.2025)
© Sputnik / Илья Питалев
/ Жазылу
Аида Балаева бұл қоғамдық орын Қасым-Жомарт Тоқаевтың Ресейге мемлекеттік сапары аясында ашылуы өте жақсы нышан екенін айтты
АСТАНА, 12 қараша – Sputnik. Мәскеуде Ресей мен Қазақстанның достық саябағы ресми түрде ашылды.
Іс-шараға Қазақстанның мәдениет және ақпарат министрі Аида Балаева, РФ Федерация кеңесі төрағасының орынбасары Андрей Яцкин, Қазақстанның Ресейдегі елшісі Дәурен Абаев және басқалар қатысты. Андрей Яцкин алаңды ашу идеясы өте өзекті екенін айтты.
"Бұл Ресей Федерациясы мен Қазақстан арасындағы қарым-қатынастың тату көршілік, стратегиялық сипатын растайды. Біз бұл саябақтың Ұлы Отан соғысы кезіндегі халықтарымыздың тарихи естеліктерін, достығын және ерліктерін сақтауға үлес қосатынына сенімдіміз. Біз Мәскеуде, Ресей аймақтарында және Қазақстанда мұндай қоғамдық орындар көп екеніне сенімдіміз. Бірақ олар ешқашан көптік етпейді, себебі олар біздің елдеріміздің ұрпақтары арасындағы байланысты растайды", - деді Яцкин.
Аида Балаева бұл қоғамдық орын Қасым-Жомарт Тоқаевтың Ресейге мемлекеттік сапары аясында ашылуы өте жақсы нышан екенін айтты.
Қазақстанның мәдениет және ақпарат министрі Аида Балаева, РФ Федерация кеңесі төрағасының орынбасары Андрей Яцкин
© Sputnik / Илья Питалев
/ "Мәскеу қаласының дәл орталығында біз Қазақстан-Ресей достық саябағын ашып жатырмыз. Әрине, біз үшін бұл Ресей астанасындағы мыңдаған саябақтардың бірі ғана емес. Бұл көпжылдық өзара құрметтің, шынайы сенімнің және мемлекет басшыларымыздың жеке достығының маңызды нәтижесі. Ал оның мәні уақыт пен тарих сынағынан өткен халықтарымыз арасындағы мәңгілік достықта жатыр", - деді министр.
Қазақстанның мәдениет және ақпарат министрі Аида Балаева, РФ Федерация кеңесі төрағасының орынбасары Андрей Яцкин
© Sputnik / Илья Питалев
/ Дәурен Абаев елшіліктің әрбір жаңа қызметкері жаңа саябаққа ағаш отырғызатынын мәлімдеді.
"Қазақстан бұл саябақтың ашылуына үлкен мән береді. Бұл Қазақстан мен Ресей арасындағы берік достықтың дәлелі, белгісі. Бұл біздің тарихымызды ұмытпағанымызды көрсетеді", - деді Абаев.
