Қарағанды облысында қайтарылған активтер есебінен 51 медициналық нысан салынды
© Photo : Пресс-служба правительства Казахстана
Жазылу
Үкімет аймақ медицинасын жаңғыртуға арнаулы мемлекеттік қордан қаражат бөлді
АСТАНА, 23 қазан — Sputnik. Қарағанды облысында 51 медициналық нысан салынды, деп хабарлады Үкімет.
Медициналық пункттер мен амбулаторияларды салуға арнаулы мемлекеттік қордан 5,9 миллиард теңге бөлінді.
Қарағанды облысында қайтарылған активтер есебінен 51 медициналық нысан салынды
© Photo : Пресс-служба правительства Казахстана
"Қазіргі уақытта құрылыс жұмыстары толығымен аяқталды. Нысандарды медициналық ұйымдардың балансына беру, сондай - ақ заманауи жабдықтарды жеткізу үшін қажетті құжаттаманы ресімдеу жүргізілуде", - деп хабарлады Үкімет.
Ауыл тұрғындары медициналық көмекті жедел әрі жергілікті жерде алуға мүмкіндік туғанына қуанышты.
Қарағанды облысында қайтарылған активтер есебінен 51 медициналық нысан салынды
© Photo : Пресс-служба правительства Казахстана
"Заманауи медициналық пункттің біз үшін үлкен қуаныш. Бұрын аудан орталығына баруға тура келетін. Ал қазір барлығы жанымызда", - дейді Қарой ауылының тұрғыны Күлкен Мұхамеджанова.
Нұра ауданында мемлекетке қайтарылған активтер есебінен барлығы 10 нысан – медициналық пункттер, фельдшерлік-акушерлік пункттер және бір дәрігерлік амбулатория салынды.
Бұқар жырау ауданында да қайтарылған активтер есебінен 13 заманауи медициналық нысан салынды.
Сондай-ақ қайтарылған активтер есебінен өңірде сумен жабдықтау және коммуналдық инфрақұрылымды дамыту жобалары жүзеге асырылып жатыр. Бұл мақсатқа арнаулы мемлекеттік қордан 5 млрд теңгеден астам қаражат бөлінді.
Қарағанды облысында коммуналдық инфрақұрылымды жаңғырту жұмыстары жүріп жатыр
© Photo : Пресс-служба правительства Казахстана
Халықты сапалы ауыз сумен қамтамасыз ету мақсатында ірі су құбырлары мен елді мекендер ішіндегі су құбыры желілерінің құрылысы басты назарда тұр. Желілер пайдалануға берілгеннен кейін 400 ауыл тұрғыны сапалы ауыз сумен қамтамасыз етіледі.
