Талғат Байсуфинов футболдан Қазақстан құрамасының бас бапкері міндетін уақытша атқарады

© Sputnik / Владислав ВодневТалгат Байсуфинов
Талгат Байсуфинов - Sputnik Қазақстан, 1920, 30.09.2025
Жазылу
Ол бұған дейін 2016-2017 және 2020-2022 жылдары ұлттық құраманы екі мәрте басқарған болатын
АСТАНА, 30 қыркүйек – Sputnik. Белгілі отандық маман Талғат Байсуфинов футболдан Қазақстан ұлттық құрамасының бас бапкері міндетін уақытша атқаратын болды, деп хабарлады Қазақстан футбол федерациясының баспасөз қызметі.
Талғат Маруаұлы ұлттық құраманы 2026 жылғы әлем чемпионатының іріктеу кезеңі аясында өтетін Лихтенштейн (10 қазан) және Солтүстік Македониямен (13 қазан) болатын ойындарда дайындайды.
Байсуфинов бұған дейін 2016-2017 және 2020-2022 жылдары ұлттық құраманы екі мәрте басқарған болатын. Ал қазіргі таңда Қазақстан жастар құрамасы (U21) бапкерлерінің менторы қызметін атқарады.
ҚФФ ұлттық құраманың жаңа бас бапкері қызметіне үміткерлермен келіссөз жүргізіп жатыр. Тізімде үш шетелдік маман бар.
Бұған дейін футболдан Қазақстан ұлттық құрамасының бас бапкері қызметін Әли Әлиев атқарды. 2025 жылдың 8 қыркүйегіне қараған түні ол Бельгиядан 6:0 есебімен жеңілгеннен кейін отставкаға кетті.
Футбол добы - Sputnik Қазақстан, 1920, 11.09.2025
FIFA Қазақстанда 100 шағын футбол алаңын салады
Жаңалықтар
0