Қазақстанда азық-түлікті төмен бағамен сату басталды
20:05 27.09.2025 (жаңартылды: 20:11 27.09.2025)
© Photo : Минторговли и интеграции Казахстана
Жазылу
Акция қазан айының соңына дейін жалғасады
АСТАНА, 27 қыркүйек – Sputnik. Сауда және интеграция министрлігі республика бойынша "Береке fest" акциясының басталғанын хабарлады.
"Бұл - азық-түлік бағасын тұрақтандыруға арналған кешенді шаралардың бірі. Науқан аясында 80-ге жуық ірі сауда орындарында арнайы промо-аймақтар ұйымдастырылып, отандық өндірушілердің өнімдері арзан бағамен сатылып жатыр. Акцияға қатысатьн дүкендерде "Береке Fest" деген жазу ілінген, сондықтан жеңілдіктерді табу оңай", - дейді министрлік мамандары.
Сауда және интеграция министрі Арман Шаққалиев өзі дүкендерді аралап шықты.
Жергілікті жеткізушілер мен бизнес-серіктестердің қолдауы бірқатар әлеуметтік маңызы бар азық-түлік бағасын төмендетуге мүмкіндік берді.
Акция барлық өңірді қамтиды және қазан айының соңына дейін жалғасады.
Айта кетері, акция аясында сиыр еті де төмен бағамен сатылады.
