Ауруханаларға полицейлер жіберіледі - министрлік өз жоспарын жариялады

© Photo : Пресс-служба правительства КазахстанаАқмола облысындағы аурухана
Ақмола облысындағы аурухана - Sputnik Қазақстан, 1920, 26.06.2025
Жазылу
Сонымен қатар ауруханаларда шұғыл шақыру батырмаларын орнату жоспарланып отыр
АСТАНА, 26 маусым – Sputnik. Денсаулық сақтау министрлігі дәрігерлердің қауіпсіздігін қамтамасыз етуге арналған қосымша шараларды жариялады, деп хабарлайды Sputnik Қазақстан тілшісі.
Вице-министр Тимур Сұлтанғазиевтің айтуынша, қазіргі кезде жедел жәрдем қызметкерлері видеожетон таға бастады. Пилоттық жоба Астана мен Алматыда қолға алынды.
"Олар бәрін видеоға түсіріп, жазбаларды сақтап отырады. Бұдан бөлек, ішкі істер министрлігімен облыстық немесе қалалық балалар ауруханаларында қабылдау бөлімшелерінде полицейлердің кезекшілігін ұйымдастыру мәселесін пысықтап жатырмыз", – деді Сұлтанғазиев сенатта өткен брифингте.
Сондай-ақ, ауруханаларда шұғыл шақыру батырмаларын орнату жоспарланып отыр. Оны қауіпті жағдайда басып, тәртіп сақшыларды шақыруға болады.
"Бұдан бөлек, депутаттардың бастамасымен медицина қызметкерлеріне шабуыл жасаған адамдарға қатысты бөлек қылмыстық бапты енгізу мәселесі пысықталып жатыр. Қазір бұл мәселе үкіметтің қарауында, жақын арада парламентке жіберіледі", – деді вице-министр.
Дәрігерлер - Sputnik Қазақстан, 1920, 01.03.2025
60 дәрігерге миллиондаған жәрдемақы берілді
Жаңалықтар
0