Түркістан облысында егінді шегіртке жайпап жатыр

© Sputnik / Алексей Куденко / Медиабанкке өтуШегіртке
Шегіртке - Sputnik Қазақстан, 1920, 17.05.2025
Жазылу
Әсіресе Шардара ауданының диқандары зардап шегіп отыр
АСТАНА, 17 мамыр - Sputnik. Түркістан облысында егінді шегіртке жайпап жатыр, деп хабарлады КТК телеарнасы.
Әсіресе Шардара ауданының диқандары зардап шегіп отыр. Зиянкестерді улағанымен, ол нәтижесін бермеген. Қазірдің өзінде 40 пайыз егіннен айырылдық деген диқандар шұғыл шара қолдануды сұрап отыр.
Шардаралық диқандар екі ай бұрын еккен қарбызға қанаттанып үлгерген шегіртке егіс алқабының астаң-кестеңін шығарған.
"Мынаны кімге айтамыз енді? Бәрін жеп қойды. Кімге береміз, кімге зарымызды айтамыз? Биыл еккен 35 гектар қарбыздың бір бөлігін шегіртке санаулы сағатта жеп қойды. Әр гектарына 2 миллион теңге шығардым", - дейді шаруа Сапарғали Қойайдаров.
Диқандар ұшақтан дәрі себуі керек, өйткені дәрінің түк тиімділігі жоқ, дейді. Бір-екі сағаттан кейін шегірткелер тіріліп кетіп жатыр.
Ауыл шаруашылық басқармасындағылар ерте көктемде шегірткеге қарсы шаралар жүргізілгенін, осыған дейін 372 мың гектарды химиялық өңдеуден өткізгенін айтады. Яғни шегірткені улауды 95 пайызға бітіріп тастадық деп отыр.
"Өңдеуге 331 жерүсті техникасы қатысты, 8 дрон, 4 АН-2 ұшағы жұмылдырылды. Қазір қалып отырған 5-8 пайыздың көлемінде өңдеу, тазалау жұмыстары жүргізіліп жатыр. Бір ай бұрын көзге көрінген шегіртке қазір қанат байлап, ең толысқан кезіне жетті", - Түркістан облысы ауыл шаруашылығы басқармасы басшысының орынбасары Әлібек Білалов.
Шегіртке - Sputnik Қазақстан, 1920, 14.05.2025
Екі облыста 397,3 мың га алқап шегірткеге қарсы өңделді
Жаңалықтар
0