Астанада соғыс ардагерлері мен тыл еңбеккерлерінің зираты ретке келтірілді
© Photo : Посольство России в Казахстане
Жазылу
Елорданың қалалық зиратында Жеңіс үшін күрескен батырларға және тылда аянбай еңбек еткендерге құрмет көрсету мақсатында "Қызыл жұлдыз" акциясы өтті
АСТАНА, 5 мамыр – Sputnik. Астанада Ұлы Отан соғысына қатысушылар мен тыл еңбеккерлерінің жерленген жерлерін абаттандыру бойынша "Қызыл жұлдыз" акциясы өтті.
Астанада Ұлы Отан соғысына қатысушылар мен тыл еңбеккерлерінің жерленген жерлерін абаттандыру бойынша "Қызыл жұлдыз" акциясы өтті
© Photo : Посольство России в Казахстане
Елорданың қалалық зиратында Жеңіс үшін күрескен батырларға және тылда аянбай еңбек еткендерге құрмет көрсету үшін ондаған ерікті тұрғындар жиналды. Бастамашыл топ ардагерлердің қабірлерін ретке келтірді: құрғақ жапырақтар мен қоқыстарды шығарып, қоршаулар мен ескерткіштерді бояды, жерлеу орындарын гүлдермен және ленталармен безендірді.
Астанада Ұлы Отан соғысына қатысушылар мен тыл еңбеккерлерінің жерленген жерлерін абаттандыру бойынша "Қызыл жұлдыз" акциясы өтті
© Photo : Посольство России в Казахстане
Акцияға Ресей елшілігінің қызметкерлері ат салысты. Елордалық этномәдени бірлестіктердің белсенділері - "Ақбозат"," Вайнах " және " Таң", шығармашылық ұжымдар, ерекше балалардың ата-аналар одағының мүшелері және Малотимофеевка ауылы ғибадатханасының ұжымы қатысты.
"Ұлы Жеңістің 80 жылдығын мерекелеу қарсаңында "Қызыл жұлдыз" акциясын өткізу тарихты еске сақтаудағы маңызды іс. Мұндай бастамалар ұрпақтар арасындағы байланысты нығайтады және соғыс пен тыл батырларының ерлігін ұмытпау керектігін еске салады", - делінген хабарламада.
️
