Қайрат Боранбаевтың бұрынғы мұнай компаниясы жекешелендіріледі
21:29 07.04.2025 (жаңартылды: 21:30 07.04.2025)
© Sputnik / Владислав Воднев
Жазылу
Олигарх бұған дейін бұл компанияны мемлекет меншігіне өткізген
АСТАНА, 7 сәуір – Sputnik. Сотталған олигарх Қайрат Боранбаевтың Phystech II бұрынғы мұнай компаниясы жекешелендіріледі.
Ол жекешелендіру жоспарына енгізіліп, қаулыға премьер-министр Олжас Бектенов қол қойды.
Phystech II Маңғыстау облысындағы Солтүстік Қаражанбас кен орнында мұнай өндіреді; компания 35,5 млрд теңгеге (74,9 млн доллар) бағаланды.
Назарбаевтың бұрынғы құдасы, сотталған олигарх Қайрат Боранбаев мұнай компаниясын 2024 жылы мемлекет меншігіне өткізді.
Бұған дейін Боранбаев мемлекетке өз еркімен тапсырған мүлік пен шоттағы ақшасы хабарланды.
Қаржы мониторингі агенттігінің мәліметінше, Қайрат Боранбаев мемлекетке өз еркімен мыналарды өткізді:
Алматыдағы "Алмалы" сауда ойын-сауық орталығының ғимараты;
мүлікті жалға беру және басқарумен айналысатын "Unity Hall" ЖШС, бұл нысандар 33,75 миллиард теңгеге бағаланды;
Алматы, Астана және Қарағанды қалаларындағы Fitnationфитнес-клуб желісі;
құны 1,4 миллиард теңге болатын Comfort Hotel Astana қонақ үй кешені;
2,6 миллион тонна мұнай және 13,2 миллион текше метр газ қорына ие "Қаражанбас Северный" кен орны – 35,4 миллиард теңге;
"Азия Газ Чунджа" газ тарату компаниясы – 14 миллиард теңге;
"ҚазҚұбырЖөндеу Сервистік Орталығы" ЖШС мұнай-газ жабдықтарын өндіру және жөндеу зауыты – 9 миллиард теңгеден астам.
Назарбаевтың бұрынғы құдасының мемлекетке қайтарылған мүлкі 123,5 миллиардтан астам теңгеге бағаланып отыр.
Сондай-ақ ол Білім беру инфрақұрылымын қолдау қорына 66 млн доллардан астам, яғни 30 миллиард теңгеден астам қаражат аударды.
Айта кетейік, 2023 жылдың наурыз айында сот шешімімен кәсіпкерден мемлекет пайдасына мыналар тәркіленді:
құны 686 миллион теңге болатын Алматы қаласындағы Әл-Фараби, 77/7-1 мекенжайындағы коммерциялық үй-жай жер телімімен қоса алғанда;
"Халық банк" шотындағы 1,27 миллиард теңге қаражат;
"Халық банктегі" түрлі шоттардағы 7 миллион доллардан астам қаражат.
Сонымен қатар, 2022 жылдың сәуірінде ол қамауға алынғаннан кейін бір айдан соң Боранбаевтың бақылауындағы ақылы автотұрақтар Алматы әкімдігіне қайтарылды. Бұл "Алматы СпецТехПаркинг сервис" ЖШС-ның 70%-ін және "Alan Parking" ЖШС-ның 100%-ін құрайды.
3 Маусым 2024, 11:15
