Италия Қазақстанның басты сауда серіктестерінің арасында үшінші орында тұр

© Photo : АкордаМемлекет басшысы Қасым-Жомарт Тоқаев Италия президенті Серджо Маттарелламен кездесті
Мемлекет басшысы Қасым-Жомарт Тоқаев Италия президенті Серджо Маттарелламен кездесті - Sputnik Қазақстан, 1920, 09.03.2025
Жазылу
Италия Қазақстанның басты сауда серіктестерінің арасында үшінші орын алады
АСТАНА, 9 наурыз – Sputnik. Мемлекет басшысы Италия президенті Серджо Маттарелламен кездесті, деп хабарлады Ақорда.
Мемлекет басшысы Италияға былтырғы сапарынан жақсы әсер алғанын айтып, ел президентінің қонақжайлық танытып, нәтижелі келіссөз жүргізуге барынша жағдай жасағанына алғыс білдірді.
"Екі мемлекет түрлі салада тығыз қарым-қатынас орнатқан. Біздің нарықта біраз италиялық компания жұмыс істейді. Олардың қатары қарқынды артып келеді. Мәдени-гуманитарлық байланыстарымыз да ойдағыдай дамып жатыр. Сондықтан елдеріміздің арасында берік ынтымақтастық қалыптасқан деп санаймын", – деді Қасым-Жомарт Тоқаев.
Серджо Маттарелла екіжақты қатынастардың қазіргі жағдайын жоғары бағалап, өзара стратегиялық серіктестікті кеңейтуге мол мүмкіндік бар екенін айтты.
"Біз шын мәнінде барлық бағытта, соның ішінде саяси, экономикалық, сауда және мәдени салаларда тамаша байланыс орнаттық", – деді Италия президенті.
Мемлекет басшысының айтуынша, Италия Қазақстанның басты сауда серіктестерінің арасында үшінші орын алады, сондай-ақ экономикамызға қаржы құйған бес ірі инвестордың қатарына кіреді. Өткен жылдың қорытындысы бойынша өзара сауда айналымы 20 миллиард долларға жуықтаған.
Президент Токаев принял главу правительства России, находящегося в Казахстане с государственным визитом - Sputnik Қазақстан, 1920, 30.01.2025
Қазақстан – Ресейдің көршісі әрі одақтасы: Тоқаев Мишустинмен кездесті
Жаңалықтар
0