Абай облысында құрылысы аяқталған жайлы мектептер әлі пайдалануға берілмеген
© Абай облысының әкімдігіАбай облысында құрылысы аяқталған жайлы мектептер әлі пайдалануға берілмеген

© Абай облысының әкімдігі
Жазылу
Облыс әкімі Берік Уәли "Жайлы мектеп" бағдарламасымен салынып жатқан оқу ордаларының құрылысын сынға алды
АЛМАТЫ, 8 наурыз - Sputnik. Абай облысының әкімі Берік Уәли "Жайлы мектеп" бағдарламасымен салынып жатқан мектептердің құрылысын сынға алды, деп хабарлайды облыстық әкімдік.
Облыс әкімі Семей қаласында "Жайлы мектеп" бағдарламасымен салынып жатқан екі мектептің құрылысымен танысты.
© Абай облысының әкімдігіБерік Уәли Семей қаласында "Жайлы мектеп" бағдарламасымен салынып жатқан екі мектептің құрылысымен танысты

Берік Уәли Семей қаласында "Жайлы мектеп" бағдарламасымен салынып жатқан екі мектептің құрылысымен танысты
© Абай облысының әкімдігі
"Қарағайлы ықшам ауданындағы 1200 орындық білім ордасының құрылысы аяқталғанымен жергілікті атқарушы органдардың балансына әлі берілмеген", - дейді ведомство.
Оқу процесі биылғы оқу жылының 4-інші тоқсанында басталады деп жоспарланып отыр. Нысанға тапсырыс беруші "Samruk Kazyna Construction" АҚ өкілдері облыс әкіміне телефон желісі тартылмағандықтан мектепті қолданысқа бере алмай отырғанын айтты.
© Абай облысының әкімдігіАбай облысында құрылысы аяқталған жайлы мектептер әлі пайдалануға берілмеген

Абай облысында құрылысы аяқталған жайлы мектептер әлі пайдалануға берілмеген
© Абай облысының әкімдігі
Аймақ басшысы Водный кентіндегі "Жайлы мектеп" бағдарламасымен бой көтерген 600 орындық мектептің құрылыс барысымен де танысты.
"Бұл білім ордасы электр желілерінің жоқтығынан жергілікті атқарушы органдардың балансына берілмеген", - дейді облыстық әкімдік.
Облыс әкімі құрылыс басқармасының басшысына екі мектептің құрылысын қатаң бақылауға алып, әр апта сайын жағдайды баяндап отыруды тапсырды.