Перизат Қайрат құрған "Biz Birgemiz" қоры таратылады

© Sputnik / СтрингерПеризат Қайрат
Перизат Қайрат - Sputnik Қазақстан, 1920, 26.02.2025
Жазылу
Астана соты қоғамдық бірлестікті мәжбүрлеп тарату туралы арызды қарап жатыр
АСТАНА, 26 ақпан – Sputnik. Перизат Қайрат құрған "Biz Birgemiz Qazaqstan 2030" қоғамдық бірлестігі Қаржы мониторингі агенттігінің бастамасымен күштеп таратылады. Бұл туралы әділет министрлігінің баспасөз қызметі хабарлады.
2025 жылдың 14 ақпанында Астана қаласының мамандандырылған ауданаралық экономикалық сотына мемлекеттік тіркеуді жарамсыз деп тану туралы талап арыз берілген. Сотта аталған бірлестікті мәжбүрлеп тарату да ұсынылған.

"Biz Birgemiz Qazaqstan 2030" қоғамдық бірлестігін құру кезінде жіберілген және түзетілмейтін сипаттағы заң бұзушылықтарға жол берілуі, яғни сот шешімімен оны таратуға негіздің бар екендігі туралы Қазақстан Республикасы Қаржы мониторингі агенттігінің хаты сотқа талап арызбен жүгінуге негіз болды", - делінген хабарламада.

2024 жылдың қарашасында агенттік қайырымдылық қорының құрылтайшылары көктемгі су тасқынынан зардап шеккендерге жиналған 1,5 теңгені (3 миллион доллар) жымқырды деп күдіктенген. Кейіннен бұл күдік расталып, қор қаражатының бір бөлігі қымбат бағалы заттар мен жылжымайтын мүлікті сатып алуға жұмсалғаны анықталды.
Перизат Кайрат - Sputnik Қазақстан, 1920, 21.02.2025
Перизат Қайратқа қатысты тағы бір істің мән-жайы жарияланды
Жаңалықтар
0