Елорда тынысы

Биыл Астанада қанша мектеп пайдалануға беріледі

© Photo : Акимат Абайской областиКомфортная школа в Абайской области
Комфортная школа в Абайской области  - Sputnik Қазақстан, 1920, 04.02.2025
Жазылу
2025 жылы жалпы сыйымдылығы 22 912 орындық 15 мектепті пайдалануға беру жоспарланып отыр
АСТАНА, 4 ақпан - Sputnik. Астанада халық санының көбеюіне байланысты әлеуметтік нысандарға деген сұраныс пен қажеттілік артып келеді, деп хабарлады елорда әкімдігінің ресми сайты.
Астана қаласы Білім басқармасының басшысы Қасымхан Сенғазиев алдағы уақытта қай ауданда және қанша жаңа нысанның ашылатыны жайлы толығырақ айтып берді.
Былтыр елімізде пайдалануға берілген оқушы орны рекордтық көрсеткішке жетті. Салынған мектептердің саны жағынан елорда алдыңғы қатарларда. Өткен жылы Астанада бір ауысымда 33 мыңдай оқушыға арналған 24 мектеп ашылды. Оның көбісі "Жайлы мектеп" ұлттық жобасы аясында бой көтерген. Аталған жоба бойынша салынған мектептер жаңа оқу жылында 22 400 елордалық оқушыны қабылдады.
Қасымхан Сенғазиевтің айтуынша, "Жайлы мектептердің" жетеуі Есіл ауданында, төртеуі Нұра ауданында, үшеуі Алматы ауданында, ал қалған екеуі Сарыарқа ауданында орналасқан.
Сонымен қатар бюджеттік инвестициялық жоба бойынша 1 550 орындық 3 мектеп, 3 240 орындық 5 жекеменшік мектеп пайдалануға берілді.
"2025 жылы жалпы сыйымдылығы 22 912 орындық 15 мектепті пайдалануға беру жоспарланып отыр. Оның ішінде, "Жайлы мектеп" ұлттық жобасы аясында жалпы саны 14 мың оқушыға арналған 7 білім ордасы ашылады. 4 мектеп Нұра ауданында, 2 мектеп Алматы ауданында, 1 мектеп Байқоңыр ауданында орналасады. Елордадағы жекеменшік мектептер саны да арта түседі. Жеке инвестордың қаржысы есебінен салынатын 4 мектеп жаңа оқу жылында шәкірт қабылдайды. Осылайша бұл мектептерде 6 мыңнан астам оқушы білім алатын болады. 5172 оқушыға арналған 3 мектеп Есіл ауданында, 1040 оқушыға арналған 1 мектеп Нұра ауданында орналасады", - деді Қасымхан Сенғазиев.
Айтуынша, "Жайлы мектеп" жобасы аясында мектеп салу биыл да жалғасады.
Астанадағы Жайлы мектеп жобасы - Sputnik Қазақстан, 1920, 20.12.2024
Биыл "Жайлы мектеп" жобасы аясында 41 мектеп пайдалануға берілді
Жаңалықтар
0