Алматыда көлікті тұраққа дұрыс қоймаған 29 мыңнан астам жүргізуші жауапқа тартылды

© Sputnik / Николай ХижнякЖол белгісі
Жол белгісі - Sputnik Қазақстан, 1920, 25.01.2025
Жазылу
Осы жылдың басынан бері көлік құралдарын қою ережелерін бұзғаны үшін 2 182 жүргізуші жауапкершілікке тартылды
АСТАНА, 25 қаңтар – Sputnik. Көліктерін дұрыс қоймағаны үшін 29 мыңнан астам алматылық жүргізуші жауапқа тартылды. Жергілікті полиция қызметі 2024 жылды қорытындылай келе осындай мәлімет ұсынды, деп хабарлайды Polisia.kz.
Ведомствоның мәліметінше, былтыр автотұрақ ережесін бұзған 29 014 жүргізуші әкімшілік жауапкершілікке тартылған. 5 мың 810 көлік мамандандырылған айыппұл тұрағына қойылды.
Қалада жол-көлік оқиғаларын азайту және жол қозғалысы қауіпсіздігін алдын алу мақсатында тұрақты түрде көлік құралдарын тұраққа қою ережелерін бұзу деректерін анықтауға бағытталған рейдтер мен профилактикалық іс-шаралар өткізіліп жатыр.
"Алматы сияқты үлкен қала үшін бұл өте өзекті мәселе. Бүгінде Алматыда шаһар жолдарында қала сыртынан келетін көліктерді қосқанда 1,5 миллионнан астам көлік жүреді. Осы жылдың басынан бері көлік құралдарын қою ережелерін бұзғаны үшін 2 182 жүргізуші жауапкершілікке тартылды", - деп жазылған хабарламада.
Полиция қызметкерлері жүргізушілерді жол қозғалысы ережелерінің талаптарын қатаң сақтауға шақырды.
Насыбай өндіретін жерасты цехы  - Sputnik Қазақстан, 1920, 17.01.2025
Астанада насыбай мен снюс сатқандарға айыппұл салынды
Жаңалықтар
0