https://sputnik.kz/20230609/nurlan-masimovke-zhala-zhaptym-orynbasary-sotta-zhauap-berdi-35790484.html

Нұрлан Мәсімовтің орынбасары тергеу кезіндегі сөзінен бас тартты

Нұрлан Мәсімовтің орынбасары тергеу кезіндегі сөзінен бас тартты

Sputnik Қазақстан

Нұрлан Мәсімовке жала жаптым - орынбасары

2023-06-09T10:48+0500

2023-06-09T10:48+0500

2023-06-09T10:49+0500

кәрім мәсімов

жала

әкім орынбасары

https://sputnik.kz/img/07e6/01/11/19158281_0:87:1200:762_1920x0_80_0_0_7bc3470cf0ae7288c18080e277e2f945.jpg

АСТАНА, 9 маусым – Sputnik. Павлодар облысының қылмыстық істер жөніндегі мамандандырылған ауданаралық сотында полиция департаментінің бұрынғы басшысы Нұрлан Мәсімовке, оның экс-орынбасары Дамир Сиразидимовке және кәсіпкер Евгений Евковичке қатысты полиция департаментімен мемлекеттік сатып алулар жүргізу кезінде пара алды және қаражат жымқырды деген айыппен істі қарау жалғасып жатыр. Павлодар полициясы басшысының бұрынғы орынбасары Дамир Сиразидимов тергеу барысында жауап алу кезінде берген жауабын сотта өзгертті. Жала жабу "Мен бір жылдан астам уақыт бұрын, яғни 8 сәуірде ұсталдым. Қойылған сұрақтардың барлығы Мәсімовке қатысты болды. Қызметкерлердің әңгімесін тыңдап, мен оларға Мәсімовтің қажет екенін түсіндім және шындыққа сәйкес келмейтін айғақтар бердім. Енді мен шындықты айтып отырмын", – деді сотталушы. Ол Нұрлан Мәсімов тұрған шаңғы базасына арналған генератор мен велотренажер оған пара ретінде берілмегенін, полиция департаментінің қажеттілігіне қарай сатып алынғанын түсіндірді. Ал Алакөл ауданындағы үйіндегі жертөле мен үйді жөндеуге кеткен шығынды Мәсімов өзі төлеген. Сиразидимовтың айтуынша, ол кәсіпкер Евгений Евковичке өтініш білдірген. Өйткені ол әрқашан адал жабдықтаушы болған және құрылыс туралы жақсы білетін. Бұған дейін басқа да полиция нысандарын жөндеуге қатысып, жұмысты сапалы атқарған. Сиразидимов полиция департаменті үшін мемлекеттік сатып алу жүргізу механизмін егжей-тегжейлі баяндап берді. Оның айтуынша, Нұрлан Мәсімов ол мәселемен іс жүзінде айналыспаған. Сондықтан мемлекеттік сатып алулармен өзі жүзеге асырған. Бұл ретте полиция басшысы оған мемлекеттік сатып алуда кімге басымдық беру керектігі жөнінде ешқандай тапсырма бермеген. Сондықтан Евгений Евковичтің артиллериялық-техникалық жабдықтаудың жеткізуші болғанын Мәсімов те білмеді, дейді Сиразидимов. Оның пікірінше, бір көзден алу тәсілімен мемлекеттік сатып алу заңды түрде жүзеге асырылды. Олай болмағанда, департамент белгіленген мерзімде үлгере алмай, келесі жылы жаңа тендер өткізу керек болар еді. Бұл полицияның жұмысына кері әсерін тигізер еді. Бұл ретте техникалық жабдықтау бағасы асыра көтерілген жоқ. Полиция бастығының бұрынғы орынбасары өзінің жаңа куәлік етуімен Нұрлан Мәсімовтің жауаптарын растады. Мәсімов тергеу барысында және сотта жауап алу кезінде мемлекеттік сатып алу жүргізуді толығымен орынбасарына тапсырғанын мәлімдеді. Ол Қазақстанның мемлекеттік шекарасын заңсыз кесіп өтуден басқа өзіне тағылған айыпты мойындамады. Сотталушыларға қандай айып тағылып отыр Нұрлан Мәсімов пен оның бұрынғы орынбасары Дамир Сиразидимовке "Аса ірі көлемде пара алу" және "Сеніп тапсырылған өзгенің мүлкін аса ірі мөлшерде иемдену немесе жымқыру" баптары бойынша айып тағылып отыр. Кәсіпкер Евгений Евковичке "Аса ірі көлемде пара алуға көмектесу" бабы бойынша айып тағылды. Сонымен қатар Мәсімов "Қазақстан Республикасының мемлекеттік шекарасын қасақана заңсыз кесіп өту" бабы бойынша да айыпталып отыр. Айыптаушы тараптың пікірінше, барлығы облыстың бас полицейінің өзіне тренажер сатып алу ниетінен басталған. 2020 жылдың сәуір айында ол өзінің орынбасары Сиразидимовтен осы үшін демеуші табуды сұраған. Оған осы қызметі үшін полиция департаментінің басшысы ретінде қамқорлық жасауға уәде берді. Сондай-ақ жоғары бағамен мемлекеттік сатып алулар өткізуде жәрдемдесетінін айтқан. Орынбасары көп ұзамай мұндай адам ретінде кәсіпкер Евгений Евковичті тапты. Көп ұзамай Мәсімов құны 2 миллион теңгеден асатын велотренажерға ие болды. Осы сыйлықты алған бас полицей бір айдан кейін кәсіпкер оған Алматы облысының Алакөл ауданында моншасы бар екі қабатты коттедж салып беруін қалайды. Сиразидимов Евковичке өтініш білдіріп, ол тағы да келіседі. Жаңа ғимарат үшін кәсіпкер 70 миллион теңге жұмсаған. Сол жылдың тамыз айында Мәсімов Алматыдағы үйінің жертөлесін жөндеп, монша мен демалыс бөлмесін салуды ұйғарады. Евкович тағы да демеушісі болып, ол жөндеу жұмыстарына 16 миллион теңге төледі. Ал екі айдан кейін генерал-майорға қала маңындағы Павлодар ауылындағы өзі тұратын үйге стационарлық дизель генераторы керек болды. Полиция басшысының 2,3 миллион теңгені құрайтын бұл тілегін де кәсіпкер орындады. Айыптаушы тараптың мәліметінше, полиция басшысы өзінің орынбасарымен топтасып әрекет ете отырып, 90,3 миллион теңге көлемінде мүлік түрінде пара алған. Бірақ әр жақсылықтың өтемі болады, деп санайды айыптаушы. Сондықтан 2020 жылдың қыркүйегінде Қазақстан ішкі істер министрлігі артиллериялық техниканы жабдықтауға конкурс жариялағанда, Павлодар облысының полиция басшылығы Евковичпен павлодарлық тәртіп сақшыларына 607,5 миллион теңгеге броньдалған көкірекше, қалқан, соққыдан қорғайтын сауыт, резеңке таяқ сатып алу туралы келісімге қол қойды. Мемлекеттік айыптаушының пікірінше, баға тым жоғары көрсетілген. Іс жүзінде кәсіпкер барлық арнайы техниканы сатып алуға 184 миллион теңге жұмсаған. Яғни 423 миллион теңгеден астам мемлекет қаржысы жымқырылған, деп жазылған айыптау актісінде. Тергеу басталған кезде Мәсімов Қазақстаннан қашпақ болған. Бірақ ол Ресей шекарасында ұсталды. Айта кетері, сот отырысы алқабилердің қатысуымен өтіп жатыр.

https://sputnik.kz/20230309/masimov-densaulygyna-baylanysty-bosatyluy-mumkin-be--ishki-ister-ministri-zhauap-berdi-32781769.html

2023

Жаңалықтар

kk_KK

нұрлан мәсімов нурлан масимов кәрім карим сот суд дамир сиразидимов евгений евкович