Қоғам

Air Astana компаниясына қымбат билеттер үшін 6,7 млрд теңге айыппұл салынды

Air Astana ұшағы - Sputnik Қазақстан, 1920, 09.06.2023
Жазылу
АСТАНА, 9 маусым – Sputnik. Air Astana компаниясына әрбір әуе билетінен жанармай алымын негізсіз жинағаны үшін 6,7 млрд теңге айыппұл салынды, деп хабарлайды Бәсекелестікті қорғау және дамыту агенттігі.
Агенттік көлік прокуратурасы органдарымен бірлесіп, Air Astana қызметіне тексеріс жүргізген. Оған халықтың әуе билеттері бағасының үздіксіз, әсіресе жазғы демалыс кезінде өсуіне қатысты шағымы себеп болды.
"Тексеріс қорытындысы бойынша Air Astana-ның авиатасымал нарығындағы үстем жағдайды теріс пайдалану фактілері әшкере болып, әрбір әуе билетінен жанармай алымын негізсіз алғаны анықталды", - делінген хабарламада.
2023 жылғы 8 маусымда Алматы қаласының әкімшілік құқықбұзушылықтар жөніндегі мамандандырылған ауданаралық соты Air Astana-ға 6,7 млрд теңге әкімшілік айыппұл салды.
Сот шешімі заңды күшіне енген жоқ.
Самолеты на взлетно-посадочной полосе - Sputnik Қазақстан, 1920, 30.05.2023
FlyArystan Air Astana-дан бөлінсе, әуе билеттері қымбаттайды – Фостер
Жаңалықтар
0