Қосшы тұрғыны бейтаныс адамның айтқанын істеймін деп қарызға белшесінен батты

CC0 / / Архивтегі фото
Архивтегі фото - Sputnik Қазақстан, 1920, 11.05.2023
Жазылу
АСТАНА, 11 мамыр – Sputnik. Қосшы қаласының тұрғыны алаяққа алданды. Оның атына 3 миллион теңгенің кредиті заңсыз рәсімделді, деп хабарлайды Sputnik Қазақстан.
10 мамырда қалалық полиция бөліміне 30 жастағы әйел арызданды. Оған белгісіз біреу қоңырау шалып, өзін банктің қауіпсіздік қызметі ретінде таныстырған. Сосын есепшоттағы күдікті операциялар туралы айтқан. Ақшаны сақтап қалу үшін AnyDesk қосымшасын, сондай-ақ, Еуразиялық банк пен Home банктің қосымшаларын орнатуды сұраған.
Зәресі ұшқан әйел айтқанын орындаған. Ал алаяқ AnyDesk арқылы ұялы телефонына кіріп, қашықтан екі банктен 3 миллион теңгеге кредит рәсімдеп алған. Одан кейін барлық ақшаны бөгде біреудің атына ашылған есепшот арқылы шығарған.
Қазіргі кезде Қылмыстық кодекстің 190-бабы, 2-бөлігі (Алаяқтық) бойынша сотқа дейінгі тергеу шаралары басталды. Полицейлер осы қылмысқа қатысы бар адамдарды анықтауға кірісті.
Архивтегі фото  - Sputnik Қазақстан, 1920, 26.04.2023
Алаяқтардың қазақстандықтарға іліп кеткен кредиті кешірілуі мүмкін
Жаңалықтар
0