Жылдық инфляция 16,8%-ға дейін төмендеді

© Sputnik / Абзал Калиев Magnum Cash & Carry сауда кешені
 Magnum Cash & Carry сауда кешені - Sputnik Қазақстан, 1920, 02.05.2023
Жазылу
АСТАНА, 2 мамыр – Sputnik. Сәуірде Қазақстанда жылдық инфляция бір ай бұрынғы 18,1%-дан 16,8%-ға дейін төмендеді.
"Жылдық мәнде инфляция деңгейі қатарынан екінші ай баяулап келеді: 2023 жылғы сәуірде – 16,8%, 2023 жылғы наурызда – 18,1%, 2023 жылғы ақпанда – 21,3%", - деп жазылған хабарламада.
Сәуірде тұтыну бағаларының индексі айлық мәнде 0,9% болып, көрсеткіш наурыз деңгейінде сақталды.
Индекс құрылымында азық-түлікке жатпайтын тауарлардың бағасы 1,3%-ға, азық-түлік тауарлары – 0,9%-ға, ақылы қызметтер – 0,4%-ға өсті.
Азық-түлікке жатпайтын тауарлардың ішінде сәуірде бағаның ең жоғары өсімі дизель отынына – 16,1%, бензинге – 9,7% болды. Наурыз айымен салыстырғанда жуу және тазалау құралдары 1,4%, жеке гигиена құралдары 1,1%, ыдыс-аяқ 1%, тұрмыстық техника 0,9% өсті.
Азық-түлік тауарлары арасында жеміс пен көкөніс бағасы едәуір өскен, сәуірде қырыққабат 4,7%, қызанақ 4,1%, жүзім 3%, алма 2,6%, алмұрт 2,4% қымбаттаған.
Күріш – 2,7%, салқындатылған сусындар – 2,5%, рожкилер, ультрапастерленген сүт – әрқайсысы 2,4%, салқындатылған балық – 2,2%, пастерленген сүт, макарон өнімдері – әрқайсысы 2,1% өсті. Бұл ретте қияр – 11,4%, қарақұмық жармасы – 3,7%, күнбағыс майы 2,6%-ға арзандады.
Қызмет көрсету саласында ұшу қызметі 17,7% қымбаттады. Бағаның жоғарылауы шаштараз бен сұлулық салондарында – 1,5%, жерлеуге байланысты салт-жора жасау қызметтерінде – 1% тіркелді. Санаторий қызметтері – 1,1%, денсаулық сақтау қызметтері 0,9% қымбаттаған.
Жылдық мәнде азық-түлік тауарларының бағасы 17,9%, азық-түлікке жатпайтын тауарлар 18,2%, ақылы қызметтер 13,7% өсті.
2022 жылғы сәуірмен салыстырғанда кеңсе тауарлары – 68,5%, кір сабын – 59,3%, шақпақ қант – 51,7%, ыдысты жууға арналған құралдар – 51,6%, қияр – 50,9%, балалар сабыны – 49,6%, күріш – 43,9%, кір жуу ұнтағы – 43%, дәретхана қағазы 42,7%-ға қымбаттады. Жылдық мәнде, керісінше, қырыққабат – 53,4%, сәбіз 19,2% арзандады.
Процент белгісі - Sputnik Қазақстан, 1920, 19.04.2023
Қоғам
Тоқаев кредитке жан бағып отырғандар жайлы: салдары өте ауыр болуы мүмкін
Жаңалықтар
0