Қоғам

Серік Күдебаев ұсталды – бас прокурор

© Sputnik / Сергей КимСерік Күдебаев
Серік Күдебаев - Sputnik Қазақстан, 1920, 27.04.2023
Жазылу
АСТАНА, 27 сәуір – Sputnik. Қырғыз шекарасы арқылы Түркияға қашқан Алматы облысы полиция департаментінің экс-басшысы Серік Күдебаев ұсталды. Ақпаратты бас прокурор Берік Асылов растады.
Әлеуметтік желіде Күдебаевтың Түркияда ұсталып, Қазақстанға жеткізілгені туралы ақпарат тараған еді.
ҚХА сессиясының кулуарында бас прокурор Берік Асыловтың өзі журналистерге бұл ақпаратты растады.
Оның айтуынша, Күдебаев Түркиядан жеткізілген.
Еске салсақ, 3 сәуір күні Алматы облысы полиция департаментінің бұрынғы басшысы Серік Күдебаевқа іздеу жарияланды. Оған экс-полицейдің елден қашуы себеп болды. 23 наурызда Күдебаев қазақ-қырғыз шекарасын кесіп өтіп, сол күні Бішкектен Стамбулға ұшып кеткен.
Ұлттық қауіпсіздік комитеті шетелге қашып кеткен Алматы облысы полиция департаментінің бұрынғы басшысы Серік Күдебаев шекарадан ресми жұмыс істеп тұрған өткізу бекеттері арқылы өтпегенін мәлімдеді. Серік Күдебаевқа қаңтардағы тәртіпсіздіктер кезінде қызмет бабын асыра пайдаланды деген айып тағылды.
Прокурор оны 9 жылға бас бостандығынан айыруды сұрағаннан кейін Күдебаев сотқа баруды тоқтатты. Отырыс генералдың келмеуіне байланысты 5 рет кейінге шегерілді. Кейбір БАҚ Алматы полициясы экс-басшысының елден қашып кеткені туралы хабарлады. Бұған дейін Жетісу облысының соты сотталушының 3 сәуірге белгіленген келесі сот отырысына мәжбүрлі түрде жеткізілетінін хабарлаған болатын.
Серік Күдебаев - Sputnik Қазақстан, 1920, 20.04.2023
Серік Күдебаев тау арқылы қашып кетуі мүмкін - ҰҚК
Жаңалықтар
0