Астанада мейрамхана әкімшісі ұсталды

© Sputnik / Табылды Кадырбеков / Медиабанкке өтуНаручники
Наручники  - Sputnik Қазақстан, 1920, 28.02.2023
Жазылу
АСТАНА, 28 ақпан – Sputnik. Астанада алаяқтық жасаған мейрамхана әкімшісі ұсталды, деп хабарлады Polisia.kz.
Астана тұрғыны Бөгенбай батыр даңғылында орналасқан қала мейрамханаларының біріне өзінің мерейтойын тойлау үшін залды брондауға келген. Мекеме әкімшісімен сөйлесіп, оған 70 мың теңге көлемінде депозит берген.
Қосымша келіссөздер үшін белгіленген күні әйел мейрамханаға келіп, әкімшінің жоғалып кеткенін және бір аптадан астам уақыт жұмыста болмағанын білген. Телефон қоңырауларына жауап бермеген. Үмітін үзген әйел полицияға жүгінген.
Сол күні "Алаяқтық" бабы бойынша сотқа дейінгі тергеу амалдары басталды.
"Сарыарқа" ауданының ПБ КПБ жедел уәкілі Ерасыл Адылхан бір тәулік ішінде қаскүнемді анықтап, полицияға жеткізді. Ол 33 жастағы ер адам болып шықты. Ол кінәсін мойындап, ақшаны қайтарып берді.
Смартфон с наушниками - Sputnik Қазақстан, 1920, 22.02.2023
Оралда алаяқ оқушыны алдап кетті
Жаңалықтар
0