"Конструктор" көліктер тіркеуге қашан қойылады – Астанада жүздеген жүргізуші шу шығарды

© Sputnik / Владислав ВодневКөлік, жол
Көлік, жол - Sputnik Қазақстан, 1920, 21.02.2023
Жазылу
АСТАНА, 21 ақпан – Sputnik. Астанада жүздеген көлік жүргізушісі мамандандырылған халыққа қызмет көрсету орталығында жиналды. Барлығы оң жақ рөлді "конструктор" көліктерді тіркеуге қоюды талап етті, деп хабарлайды Astana TV арнасы.
Қазақстанда автобөлшекпен кірген және артынан құрастырылған көліктер аз емес. Ондай темір тұлпарды Данил Куропятников те сатып алған. Ол да шетелдік көлігін заңдастыру науқаны аясында тіркеп көрген. Бірақ өтінімі қабылданбады.
"Тәртібі бойынша үш түрлі кезеңнен өтіп, төртіншіге келгенде өтпей қалып жатыр. Он бес минут күтудің де қажеті жоқ, бәрін толығымен толтырып жүктейсіз, жеке кабинетіңізге кірсеңіз қабылданбады деп тұрады. Тіпті қарастыруға да келмейді", - дейді Куропятников.
Ал "конструктор" көліктердің мәселесін шешу үшін заңнаманы өзгерту керек. Оған да уақыт кетеді.
"Конструктор көліктеріне қатысты заңнаманы өзгерту үшін бір жарым ай қажет. Бұл ұзаққа созылмайды, тек бәрімен келісім жасау керек", - деп атап көрсетті әкімшілік полиция басқармасының бастығы Елжан Чупеков.
Ресей нөмірі - Sputnik Қазақстан, 1920, 26.01.2023
"Көлігімді алып кетті": криминалдық есепте тұрған шетелдік көліктер анықтала бастады
Жаңалықтар
0