Қазақстан бастамасымен Түркияда киіз үй қалашықтары пайда болады

© Sputnik / Анатолий УстиненкоШаңырақ
Шаңырақ - Sputnik Қазақстан, 1920, 09.02.2023
Жазылу
АСТАНА, 9 ақпан – Sputnik. Түркияның жер сілкінісі болған аймақтарында киіз үй қалашықтары пайда болады. Бұл туралы журналист Нұрбек Бекбау айтты, деп хабарлайды Sputnik Қазақстан тілшісі.
Бұған дейін ол бауырлас мемлекетке киіз үй жіберуді ұсынып, ақша жинауды бастаған. Екі күннің ішінде 20 миллионға жуық қаржы жиналған. Бүгін осы ақшаға 45 киіз үй сатып алынды.

"Үш Газельмен 45 киіз үйді "Turkish Airlines" әуе компаниясының қоймасына жібердік. Ары қарай Түркияға ұшып барамын. Киіз үй қалашықтары қирап қалған қалалардың жанынан тұрғызылады", - деді Бекбау Sputnik Қазақстан тілшісіне берген сұхбатында.

Оның айтуынша, қарапайым адамдар тағы 15-16 киіз үй, ал кәсіпкерлер 30 киіз үй сатып алды. Оны да қоймаға жеткізген.
"Сонда Қазақстаннан, шамамен, 100 киіз жіберіледі. Ертең бәрін жүк ұшағына тиеп, алып барады. Осымен киіз үйге ақша жинау аяқталды. Енді бәрін апарып, құрастырып қою қажет. Қазір, шамамен, 2 миллион 800 мың теңгедей артық қалып отыр. Оған бір қазан, самауыр және тағы басқа заттарды аламыз", - деп атап өтті журналист.
Чанаккале, Түркия - Sputnik Қазақстан, 1920, 09.02.2023
Әлем
Чанаккале жақта жер сілкінісі болуы ықтимал – түрік сейсмологы
Жаңалықтар
0