Кредит демалысын алу үшін әскерге шақырылғандарға қандай құжат қажет

© Sputnik / Наталья Селиверстова /  / Медиабанкке өтуКредит белгісі
Кредит белгісі - Sputnik Қазақстан, 1920, 27.01.2023
Жазылу
НовостиTelegram
Кредит демалысын әскерге енді шақырылған немесе Отан алдындағы борышын өтеп жүрген қазақстандықтар пайдалана алады
АСТАНА, 27 қаңтар – Sputnik. Мерзімді әскери қызметті өткеріп жүрген азаматтарға биылдан бастап кредит демалысы беріледі. Ол үшін банктерге әскерге шақырылғаны туралы анықтама ұсыну қажет, деп хабарлайды Sputnik Қазақстан тілшісі.
Қарулы күштер Бас штабы ұйымдастыру-жұмылдыру департаментінің аға офицері подполковник Руслан Тапашевтің айтуынша, Қорғаныс министрлігі және Қаржы нарығын реттеу және дамыту агенттігі арасында тиісті меморандумға қол қойылды.
"Әскерге шақырған кезде жас жігітке оның талабымен жергілікті әскери басқару органы, военкомат арқылы әскерге шақырылып жатқаны туралы анықтама беріледі. Бұл анықтама кейіннен банктерге ұсынылады", - деп түсіндірді Тапашев.
Егер жас сарбаз әскерде борышын өтеп жүрсе, ол жақын туыстарының біріне сенімхат жаза алады. Содан кейін туысқаны осы анықтамамен банкке өтініш жасайды.
Тапашев сарбаздарға кредит демалысын беру жұмысы 2023 жылдан бастап басталғанын атап өтті.
Студент - Sputnik Қазақстан, 1920, 27.01.2023
Әскерден келгендер университетте тегін оқи алады – министрлік
Жаңалықтар
0