Ақтауда жанармай құйылған цистерна жарылды: екі адам зардап шекті

© AP Photo / Rahmat GulПожарный тушит огонь на автоцистерне, архивное фото
Пожарный тушит огонь на автоцистерне, архивное фото - Sputnik Қазақстан, 1920, 08.01.2023
Жазылу
НовостиTelegram
АЛМАТЫ, 8 қаңтар - Sputnik. Ақтау маңында жанар-жағармай құйылған цистерна жарылды, деп хабарлайды Lada.kz.
Оқиға 7 қаңтарда сағат 21:00 шамасында Мұнайлы ауданы Дәулет ауылының маңында орналасқан "BBJ GROUP" ЖШС көлік компаниясының базасында болған. Жанармай толы цистерна жарылып, екі адам зардап шекті.
Түрлі дене жарақатымен олар шұғыл түрде облыстық ауруханаға жеткізілді.
"Өрт толығымен сөндірілді. Себебі анықталып жатыр", - деді Мұнайлы ауданының төтенше жағдайлар басқармасының бас маманы Жайнат Әуесбаев.
Облыстық аурухананың хабарлауынша, зардап шеккен екі ер адам қазіргі уақытта жансақтау бөлімінде жатыр. Дәрігерлер екі адамның да жағдайын өте ауыр деп бағалап отыр.
Зардап шеккендердің бірі 1981 жылы, екіншісі 1989 жылы туған.
"1989 жылы туған адам басынан, бетінен және мойнынан термиялық күйік алған. Ал 1981 жылғы зардап шеккен екінші адамға бас миының жарақаты, оң жіліншіктің, оң иықтың үшінші дәрежелі термиялық күйігі диагнозы қойылды", - дейді аурухананың мамандары.
Газ баллоны - Sputnik Қазақстан, 1920, 16.12.2022
СҚО-да газ баллоны жарылды – үй иесі қайтыс болды
Жаңалықтар
0